Akavure Yezu yavukiyemo kagiye gusubizwa i Betelehemu

Yanditswe na Ndayikunda Josué
Kuya 30 Ugushyingo 2019 saa 10:42
Yasuwe :
0 0

Ibice by’akavure bivugwa ko ari ko Yezu yavukiyemo bigiye gusubizwa i Betelehemu nyuma y’imyaka irenga 1000 biri ku mugabane w’i Burayi.

Papa Francis yategetse ko ibi bice bisubizwa i Betelehemu bikuwe i Roma muri Bazilika ya Santa Maria Maggiore, aho byajyanye mu kinyejana cya karindwi nk’impano.

Biteganyijwe ko bizabanza kwerekanwa i Yeruzalemu mbere y’uko bikomeza urugendo bikajyanwa i Betelehemu, mu kubihuza n’intangiriro zo kwizihiza umunsi wa Noheli.

Abayobozi bavuga ko ibyo bice by’akavure bivugwa ko Yezu yavukiyemo, bizagumishwa mu rusengero rwa St Catherine i Betelehemu, aho bivugwa ko umukiza yavukiye.

Mu ruzinduko Perezida wa Palestine, Mahmud Abbas, aheruka kugirira i Vatican mu 2018, yasabye Papa Francis ko aka kavure gasubizwa i Betelehemu, icyifuzo Papa yaje no guhita aha umugisha.

Aka kavure bivugwa ko ari impano Sophronius wayoboraga Jerusalem yahaye Papa Theodore I mu kinyejana cya karindwi, kakaba kandi karafashije benshi mu byo kwizera i Roma.

Abantu baturutse hirya no hino ku isi bateraniraga i Roma baje kureba aka kavure k’amateka, bikaba byizewe ko bazanakomeza kugasura i Betelehemu.

Aka kavure kazerekanwa i Betelehemu mu kwizihiza Noheli

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza