Agaciro ka Bitcoin katumbagiye nyuma y’uko umunyemari Elon Musk ayiguzemo imigabane

Yanditswe na Dufitumukiza Salathiel
Kuya 9 Gashyantare 2021 saa 10:35
Yasuwe :
0 0

Umubare w’abakorana na Sosiyete ikorera ubucuruzi bw’amafaranga kuri internet, Bitcoin, wiyongereye ndetse n’agaciro kayo karatumbagira cyane nyuma y’aho umunyemari wa mbere ku Isi, Elon Musk yinjiye mu mikoraniye nayo.

Ku wa 8 Mutarama 2021 ni bwo sosiyete ikora imodoka zifashisha ingufu z’amasharazi, Tesla, ya Elon Musk yatangaje ko yaguze imigabane ifite agaciro ka miliyari 1.5$ muri Bitcoin, ndetse ko igiye kwemerera abayigana kwishyura bayikoresheje.

Nyuma y’amasaha make ibigo bitandukanye byo mu Bushinwa, Koreya y’Epfo, na Australie byahise nabyo bigura imigabane ndetse bivuga ko bishobora kuzemera kwishyurwa binyuze muri Bitcoin.

Kuri uyu wa Kabiri agaciro k’iyo sosiyete kugeza ubu itazwi nyirayo kazamutseho 25% ugereranyije n’icyumweru gishize, kagera ku 48,000$.

Ni mu gihe kandi agaciro kayo katumbagiye ku gipimo cya 300% ugereranyije n’umwaka ushize, ibintu byatewe n’ubwiyongere bw’abashoramari bayigannye nyuma yo kubona ubundi buryo bwo kubika imitungo yabo bugenda bucika intege mu bihugu byinshi.

Ku rundi ruhande ariko banki nkuru z’ibihugu bitandukanye zagiye ziburira abakoresha Bitcoin bishyura ko atari uburyo bwizewe nko gukoresha amafaranga afatika.

Bitcoin ni ifaranga ryakozwe bwa mbere mu 2009 n’umuhanga mu bya mudasobwa wagizwe ubwiru gusa amenyekana ku izina rya Satoshi Nakamoto.

Bitcoin ifatwa nk’ifaranga bamwe bayita ‘Digital currency’, ‘Digital Cash’, ‘Virtual Currency’, ‘Electronic Currency or Cryptocurrency’. Ikora mu buryo bumwe n’ubundi bwoko bw’amafaranga akoreshwa ku Isi mu bihugu bitandukanye.

Buri muntu wifuza gutunga cyangwa guhererekanya Bitcoins agira ububiko bwe; ushobora kubika kuri internet aho ufungura konti ukajya uyinjiramo aho waba uri hose, wakwifashisha porogaramu ushyira muri mudasobwa cyangwa telefoni yawe, kugura ububiko bwabugenewe bwa bitcoins (Bitcoin hardware wallets) no gukoresha impapuro mvunjwafaranga.

Agaciro ka Bitcoin katumbagiye nyuma y’uko umunyemari Elon Musk ayiguzemo imigabane

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .