00:00:00 IGIHE NETWORK KN KINYARWANDA EN ENGLISH FR FRANCAIS

Abinjira muri Australie baturutse mu Buhinde bashobora kuzajya bafungwa imyaka itanu

Yanditswe na Umwali Zhuri
Kuya 1 Gicurasi 2021 saa 12:56
Yasuwe :
0 0

Leta ya Australie yatangaje ko abantu bari mu Buhinde bazinjira muri icyo gihugu, bashobora kuzajya bahanishwa igihano cy’igifungo gishobora kugera ku myaka itanu.

Kuva ku wa 3 Gicurasi, abaturage ba Australie kimwe n’abo mu bindi bihugu bari mu Buhinde mu minsi 14 iherutse, babujijwe kwinjira muri Australie, mu rwego rwo kwirinda ikwirakwira ry’icyorezo cya Covid-19.

Itangazo rya Leta ya Australie ryavuze ko “Iki cyemezo cyatewe n’umubare munini w’abantu bari mu muhezo muri Australie baturutse mu Buhinde”.

Abaturage ba Australie baturutse mu bindi bihugu bemerewe kwinjirayo ariko bakajya mu muhezo umara iminsi 14, bakabona gusohoka bakajya gukomeza ibikorwa byabo.

Uretse Australie, ibindi bihugu birimo Leta Zunze Ubumwe za Amerika, Singapore n’ibindi by’i Burayi byamaze kwemeza ko byakumiriye abaturage baturutse mu Buhinde, bumaze kuba indiri y’icyorezo cya Covid-19, kuko umwe mu bantu batatu basangwamo Covid-19 ku Isi, aba ari mu Buhinde.

Ubwoba kuri iki gihugu kandi buterwa n’uko amakuru ya nyayo y’umubare w’abantu banduye Covid-19 ari macye cyane, ku buryo bivugwa ko abarenga miliyoni 500 bashobora kuba baranduye, n’ubwo imibare ya Minisiteri y’Ubuzima yemeza abantu miliyoni 19 gusa.

Indi mpamvu ni uko biri gutinywa ko hari ubwoko bushya bwa Covid-19 buri mu Buhinde, ari na bwo buri kwenyegeza cyane imibare y’abanduye iki cyorezo.

Bivugwa ko abantu barenga 9000 bakomoka muri Australie ariko bari mu Buhinde, bamaze gusaba gusubizwa mu gihugu cyabo.

Leta ya Australie iyobowe na Scott Marrison yemeje ko izajya ihana abantu baturuka mu Buhinde

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .