00:00:00 IGIHE NETWORK KN KINYARWANDA EN ENGLISH FR FRANCAIS

Covid-19: Umubare w’abatunze miliyoni y’amadolari waratumbagiye

Yanditswe na IGIHE
Kuya 26 Kamena 2021 saa 11:03
Yasuwe :
0 0

Abantu barenga miliyoni eshanu hirya no hino ku Isi bahindutse ba miliyoneri mu madolari mu 2020 nubwo muri rusange ubukungu bwagizweho ingaruka n’icyorezo cya Covid-19.

Mu gihe benshi mu bakene barushijeho gukena, umubare w’abatunze za miliyoni wariyongereyeho uva kuri miliyoni 5,2 ugera kuri miliyoni 56,1 ku Isi hose.

Mu 2020 abantu bangana na 1% b’abakuze babashije gutunga miliyoni y’amadolari ku nshuro yabo ya mbere.

Inyungu iciriritse ku nguzanyo na gahunda za leta zagiye zishyiraho byagize uruhare mu gutuma ubukungu buhererekanwa kugera ku rwego rw’ingo.

Byafashije ingo kuzigama no kugabanya imyenda kuruta ikindi gihe.

Umubare w’abafite umutungo w’amafaranga uri hejuru ya miliyoni 30 z’amadolari wiyongereyeho 24%, igipimo cyazamutse ku rwego rushimishije uhereye mu 2003.

Anthony Shorrocks, inzobere mu bukungu yavuze ko covid-19 yagize ingaruka ku bukungu ku rwego rw’Isi ariko mu mpera za Kamena 2020 ibintu bisa n’ibihindutse bituma ubukungu bwongera kuzamuka mu gihembwe cya kabiri cy’uwo mwaka.

Ubukungu bw’Isi bwiyongereyeho 7,4%. Raporo yakozwe n’Ikigo cyo mu Busuwisi ikomeza ivuga ko kuva ikinyejana cya 21 cyatangira umubare w’abaturage batunze hagati y’ibihumbi 10 na 100 by’amadolari wikubye hafi inshuro zirenga eshatu uva kuri miliyoni 507 mu 2000 kugera kuri miliyari 1,7 hagati mu 2020.

Uku kwiyongera bifitanye isano n’izamuka ry’ubukungu cyane cyane mu Bushinwa n’abantu bafite ubukungu buciriritse mu bihugu bikiri mu nzira y’iterambere.

Ku rundi ruhande, Abamiliyoneri bashobora kuzaba bageze kuri miliyoni 85 mu 2025.

Abatunze miliyoni y'amadolari bariyongereye nubwo Covid-19 yagize ingaruka ku bukungu bw'Isi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .