00:00:00 IGIHE NETWORK KN KINYARWANDA EN ENGLISH FR FRANCAIS

Abarimo Cardinal barashinjwa kunyereza umutungo i Vatican

Yanditswe na Nkurunziza Jean Baptiste
Kuya 4 Nyakanga 2021 saa 01:57
Yasuwe :
0 0

Kiliziya Gatolika i Vatican irashinja abantu 10 barimo Cardinal ibyaha bya ruswa, kunyereza umutungo no gukoresha ububasha bafite mu nyungu zabo bwite.

Mu itangazo ryasohowe na Vatican kuri uyu wa Gatandatu, rivuga ko mu iperereza bakoze bafatanyije n’inzego z’ubuyobozi mu Butaliyani kuva muri Nyakanga 2019, hatahuwe ko Kiliziya Gatolika yahombejwe na bamwe mu bahoze ari abayobozi bakuru bayo barimo abakora mu bunyamabanga bukuru.

Umwe muri bakurikiranywe ni Cardinal Giovanni Angelo Becciu wahoze mu bayobozi bakuru bashinzwe umutungo i Vatican. Ibyaha aregwa birimo ruswa n’amanyanga, ibi bikiyongeraho gukoresha umutungo wa Kiliziya mu nyungu ze bwite, aho hari amafaranga yahaye abavandimwe be babiri bakayajyana mu bucuruzi bwabo.

Cardinal Becciu we ahakana ibyaha ashinjwa, akavuga ko ari uburyo buri gukoreshwa n’abamurwanya nkuko CNN.

Mu bandi baregwa harimo René Brulhart wahoze ayobora urwego rukurikirana umutungo i Vatican, ushinjwa ibyaha birimo uburiganya.

Imwe mu mitungo yanyerejwe harimo uburiganya bwabaye mu mafaranga yashowe mu mushinga wo kubaka inzu ziegzweho , London Real Estate Venture agera kuri miliyoni 415 z’amadorari y’Amerika.

Aba bose uko ari 10 bazagezwa imbere y’urukiko bwa mbere tariki ya 27 Nyakanga 2021.

Cardinal Becciu ni umwe mu bakekwaho kunyereza umutungo i Vatican

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .