00:00:00 IGIHE NETWORK KN KINYARWANDA EN ENGLISH FR FRANCAIS

Abarenga miliyoni eshanu bamaze kwicwa na Covid-19 ku rwego rw’Isi

Yanditswe na Bukuru JC
Kuya 2 Ukwakira 2021 saa 08:43
Yasuwe :
0 0

Umubare w’abamaze kwicwa n’icyorezo cya Covid-19 umaze kurenga miliyoni eshanu ku rwego rw’Isi, nk’uko Reuters ibitangaza.

Amerika imaze gupfusha abaturage barenga ibihumbi 700, igarukirirwa na Brazil imaze gupfusha abarenga ibihumbi 590, mu gihe u Buhinde bumaze gupfusha abantu ibihumbi 480.

Byatwawe amezi arenga 12 kugira ngo abantu miliyoni 2,5 bicwe na Covid-19 kuva yagaragara, ariko izindi miliyoni 2,5 zapfuye mu mezi umunani bigizwemo uruhare n’ubwoko bushya bwa Coronavirus burimo Delta bufite ubushobozi bwo kwandura no kwica vuba.

Impuzandengo y’abishwe n’iki cyorezo mu cyumweru gishize ni abantu ibihumbi umunani ku munsi, ndetse abarenga 1500 bari kwitaba Imana muri Amerika buri munsi nubwo imaze gukingira abarenga 55% by’abaturage bahawe inkingo zombi.

Icyakora imibare igaragaza ko abantu bishwe n’iki cyorezo bashobora kuba barenga miliyoni 18 ku rwego rw’Isi, na cyane ko hari ibihugu bitanditse neza abapfuye ukongeraho n’abishwe n’iki cyorezo ariko ntibashyingurwe mu marimbi azwi cyangwa ngo babarurirwe kwa muganga.

Kugeza ubu, abarenga kimwe cya kabiri cy’abatuye Isi ntibarahabwa urukingo na rumwe, mu gihe mu baturage bo mu bihugu byateye imbere nka Israel hari abamaze guterwa inkingo eshatu.

Abantu barenga miliyoni eshanu bamaze kwicwa na Covid-19 kuva iki cyorezo cyatangira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .