Abarenga 50 bamaze gupfira mu myigaragambyo yamagana kwimurira Ambasade ya Amerika i Yeruzalemu

Yanditswe na Rabbi Malo Umucunguzi
Kuya 14 Gicurasi 2018 saa 10:03
Yasuwe :
0 0

Imibare mishya iragaragaza ko Ingabo za Leta ya Israel zishe Abanya-Palestine 52 abandi 2700 barakomereka mu gace ka Gaza, mu myigaragambyo yamagana igikorwa cya Leta Zunze Ubumwe za Amerika cyo kwimura ambasade yayo ikayivana i Tel Aviv ikimukira i Yeruzalemu.

Uwo mwanzuro wafashwe na Perezida wa Leta Zunze Ubumwe za Amerika, Donald Trump, warakaje Abanya-Palestine bavuga ko Uburasirazuba bwa Yeruzalemu ari wo murwa mukuru wabo. Israel yahigaruriye mu 1948 mu ntambara yagejeje ku ishingwa rya Leta ya Israel.

Aba bigaragambya bavuga ko bakeneye gusubira ku butaka bw’abasekuruza babo, Israel yo ikavuga ko iyo myigaragambyo yashowe n’umutwe wa Hamas uyobora Gaza kugeza ubwo Minisitiri w’Ingabo wa Israel, Avigdor Lieberman yavuze ko biteguye guhangana n’ibikorwa by’uwo mutwe “bigamije kudobya ibirori”.

Yagize ati “Icyo nisabira abaturage ba Gaza: Ntimuhumwe amaso na Sinwar (umuyobozi wa Hamas muri Gaza) uri kohereza abana banyu ngo batange ubuzima bwanyu mu bidafite akamaro. Turaza kurwana ku baturage bacu mu buryo bwose bushoboka kandi ntidutuma hari urenga uruzitiro.”

Hamas yahakaye ibyo birego.

Imibare mishya iragaragaza ko Ingabo za Leta ya Israel zishe Abanya-Palestine 52 abandi 2700 barakomereka mu gace ka Gaza
Imyigaragambyo yamagana kwimurira Ambasade ya Amerika i Yeruzalemu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza