Kwamamaza

Abaperezida barimo Robert Mugabe, bazitabira ishyingurwa rya Fidel Castro

Yanditswe kuya 30-11-2016 saa 08:42' na Philbert Hagengimana


Abakuru b’ibihugu 13 n’aba za guverinoma mu bihugu bitandukanye byo ku Isi, bazaba bari muri Cuba ku itariki ya 4 Ukuboza 2016, mu muhango wo gushyingura Fidel Castro wahoze ari Perezida w’icyo gihugu.

Nyuma y’urupfu rwa Castro, Umuvandimwe we Raúl Castro unayobora iki gihugu kuri ubu, yatangaje ko “Hashingiwe ku cyifuzo nyakwigendera Fidel yasize avuze, Umurambo we wagombaga gutwikwa mu masaha ya kare ku wa 26 Ugushyingo 2016.”

Kuva ku wa 29 Ugushyingo kugeza ku wa 3 Ukuboza, umubiri we ugomba gutambagizwa ahareshya n’ibirometero 900 mu muhanda werekeza i Santiago de Cuba, ukazanagezwa aho Fidel Castro na bagenzi be bafatiye ubutegetsi muri Mutarama 1959.

Kuri iyo tariki kandi ahagana saa moya z’Umugoroba, ku cyanya cyitiriwe Antonio Maceo (Plaza Antonio Maceo) hazateranira imbaga y’abanya-Cuba, maze ku munsi ukurikiyeho (ku wa 4 Ukuboza), ivu rya Fidel Castro rishyingurwe mu irimbi ry’intwari ryiswe Santa Ifigenia Cemetery muri Santiago de Cuba, ahashyinguye intwari y’Abanya-Cuba, José Martí.

Abakuru b’ibihugu 13 ni bo bamaze gutangaza ko bazitabira iyo mihango yo gushyingura Fidel Castro, barimo batanu bo muri Afurika, nka Robert Mugabe wa Zimbabwe, Jorge Carlos Fonseca wa Cap Vert, Teodoro Obiang Nguema Mbasogo wa Guinea Equatorial, Hage Geingob wa Namibia na Jacob Zuma wa Afurika y’Epfo.

Uretse abakuru b’ibihugu bazitabira uyu muhango, hari ibihugu byohereje intumwa zo kubihagararira zirimo ba Minisiri b’Intebe n’abaminisitiri muri za minisiteri zinyuranye. Muri abo barimo na Minisitiri w’Intebe wa Uganda, Ruhakana Rugunda wahagurutse i Kampala ku wa 28 Ugushyingo yerekeza muri uwo muhango i Havana nk’uko Chimpreports yabitangaje.

Fidel Castro watabarutse ku wa Gatanu w’icyumweru gishize ku myaka 90, yabaye Perezida wa Cuba imyaka 32 uhereye mu 1976 nyuma y’imyaka 17 yari amaze ari Minisitiri w’Intebe. Yasigiye ubutegetsi murumuna we Raul Castro mu 2008 nyuma y’aho intege zo gutegeka zari zibaye nke.

Castro azaherekezwa bwa nyuma n'abanyacyubahiro batandukanye

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved