Abantu batandatu batawe muri yombi bakekwaho kugambirira kugirira nabi Perezida Macron

Yanditswe na IGIHE
Kuya 6 Ugushyingo 2018 saa 07:56
Yasuwe :
0 0

Inzego zishinzwe kurwanya iterabwoba mu Bufaransa zataye muri yombi abantu batandatu bakekwaho gucura umugambi wo kugirira nabi Perezida w’icyo gihugu Emmanuel Macron.

Urwego rushinzwe umutekano w’imbere mu gihugu, DGSI, rwavuze ko bafatiwe mu duce dutatu; Isère mu majyepfo ya Lyon; Moselle ku mupaka w’u Budage na Luxembourg na Ille-et-Vilaine mu majyaruguru y’umujyi wa Rennes.

Nk’uko Reuters yabitangaje, barimo abagabo batanu n’umugore umwe, bose bafite hagati y’imyaka 22 na 62.

Umwe mu bari gukurikirana iki kibazo yagize iti “Iperereza riri kureba mu buryo bacuze umugambi w’inabi kuri perezida wa Repubulika.”

Gusa ntiharatangazwa byinshi "kuri uwo mugambi mubisha" wari wacuzwe ku mukuru w’igihugu.

Batawe muri yombi nyuma y’uko mu kiganiro n’ikinyamakuru Le Courrier Picard kuri iki Cyumweru, Perezida Macron yaburiye uruhande rufatwa nk’abahezanguni, ko kurebera ibikorwa bibi aribyo byazamuye Hitler mu Budage na Mussolini mu Butaliyani.

Inzego z'umutekano zataye muri yombi abantu batandatu bashinjwa kuba mu mugambi wo kugirira nabi Perezida Macron

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza