Kwamamaza

Perezida Kagame yatumiwe mu nama mpuzamahanga ku iterambere rya Afurika izabera mu Buyapani

Yanditswe kuya 13-02-2013 saa 12:01' na Marie Chantal Nyirabera


Perezida wa Repubulika Paul Kagame yatumiwe mu nama ya gatanu mpuzamahanga ya Tokyo ku iterambere ry’Afurika (TICAD V), izabera i Yokohama mu Buyapani ku ya 1 kugeza ku ya 3 Kamena 2013.
Ibi byatangajwe mu biganiro Umukuru w’Igihugu yagiranye na Ambasaderi Kunio Hatanaka wari uhagarariye u Buyapani mu Rwanda, ubwo yazaga kumusezeraho ku wa mbere tariki ya 11 Gashyantare, nyuma yo kuba yari arangije imirimo ye yakoreraga mu Rwanda.
Iyi nama mpuzamahanga ku iterambere rya Afurika (...)

Perezida wa Repubulika Paul Kagame yatumiwe mu nama ya gatanu mpuzamahanga ya Tokyo ku iterambere ry’Afurika (TICAD V), izabera i Yokohama mu Buyapani ku ya 1 kugeza ku ya 3 Kamena 2013.

Ibi byatangajwe mu biganiro Umukuru w’Igihugu yagiranye na Ambasaderi Kunio Hatanaka wari uhagarariye u Buyapani mu Rwanda, ubwo yazaga kumusezeraho ku wa mbere tariki ya 11 Gashyantare, nyuma yo kuba yari arangije imirimo ye yakoreraga mu Rwanda.

Iyi nama mpuzamahanga ku iterambere rya Afurika itegurwa ku bufatanye n’igihugu cy’ u Buyapani, Loni, Banki y’Isi, ishami ry’Umuryango w’Abibumbye ryita ku baturage n’iterambere (PNUD) na Komisiyo Nyafurika.

Muri iri huriro ry’ inama mpuzamahanga (TICAD) rya gatanu hazibandwa ku izamuka ry’ubukungu, intego z’ikinyagihumbi mu iterambere, Gushimangira amahoro n’imiyoborere myiza n’ihindagurika ry’ikirere.

Ihuriro mpuzamahanga ku iterambere rya Afurika (TICAD) ryatangiye mu mwaka wa 1993, ritangijwe na Guverinoma y’u Buyapani, rigamije kuganira ku birebana na politiki hagati y’abayobozi ba Afurika n’abafatanyabikorwa babo mu iterambere.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Saturday 30 July 2016
Copyright © 2009 -2014 - IGIHE Ltd - All Rights Reserved