Zimbabwe: Abaganga bavuze ko abaturage bari gukorerwa Jenoside bucece

Yanditswe na IGIHE
Kuya 27 Ugushyingo 2019 saa 04:12
Yasuwe :
0 0

Abaganga bakuru muri Zimbabwe bifatanyije na bagenzi babo bato mu myigaragambyo banga kujya ku kazi, bamagana icyo bise ‘Jenoside iri gukorwa bucece’ .

Abo baganga bari kwamagana kandi iyirukanwa rya bagenzi babo baherutse gusezererwa bazira ko bagiye kwigaragambya bashaka ko imishahara yabo yongezwa.

Mu itangazo ryasohowe n’abaganga bakuru kuri uyu wa Gatatu, bavuze ko urwego rw’ubuzima mu gihugu ruhagaze nabi ndetse “hari kuba Jenoside ya bucece ikorerwa abaturage ba Zimbabwe.”

Bavuze ko nta miti mu bitaro hamwe n’ibindi bikoresho byifashishwa mu buvuzi ku buryo bemeza ko kuvura abaturage bidashoboka nkuko BBC yabitangaje.

Bakomeje bagira bati “Ntabwo turi abacakara. Ntabwo turi abacanshuro. Dukwiriye kubaho neza, umushahara n’uburyo bwiza butuma dukora neza. Abaturage ba Zimbabwe bakeneye urwego rw’ubuzima bakwiriye kwizera.”

Leta ya Zimbabwe imaze kwirukana amagana y’abaganga bazira kwigaragambya guhera mu ntangiriro z’Ugushyingo.

Iyi myigaragambyo yakozwe ku bitaro byinshi bikuru muri Zimbabwe ndetse kuri ubu abarwayi bitabwaho ni abarembye cyane, bakeneye ubufasha bwihutirwa gusa.Guverinoma ya Zimbabwe ivuga ko itakwigondera kongera umushahara.

Iki gihugu cyugarijwe n’ihungabana ry’ubukungu rikabije ndetse no guta agaciro kw’ifaranga ryacyo ndetse abaturage ntibahazwa n’ayo binjiza.

Umushahara w’umuganga muto muri Zimbabwe kuri ubu ubarirwa hafi ku $100 (£80), ni ukuvuga asaga gato ibihumbi 93 Frw ku kwezi.

Abaganga bavuze ko urwego rw’ubuzima mu gihugu ruhagaze nabi ndetse “hari kuba Jenoside ya bucece ikorerwa abaturage ba Zimbabwe.”

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza