Umurambo wa Ambasaderi wiciwe muri RDC wajyanywe gushyingurwa mu Butaliyani

Yanditswe na Ntabareshya Jean de Dieu
Kuya 23 Gashyantare 2021 saa 08:31
Yasuwe :
0 0

Indege y’igisirikare cy’u Butaliyani kuri uyu wa Kabiri yahagurutse mu mujyi wa Goma mu Burasirazuba bwa Repubulika Iharanira Demokarasi ya Congo, itwaye umurambo wa Ambasaderi Luca Attanasio n’uwari umurinzi we biciwe mu gitero bagabweho kuri uyu wa Mbere.

Ambasaderi Luca Attanasio w’imyaka 43 n’umurinzi we Vittorio Lacovacci w’imyaka 30 n’umushoferi Mustapha Milambo bishwe kuri uyu wa mbere tariki ya 22 Gashyantare 2021 bicirwa mu muhanda uva i Goma werekeza Rutshuru muri Kivu y’Amajyaruguru.

Umuryango w’Abibumbye niwo wagejeje umurambo wa Attanasio n’uw’umurinzi we ku kibuga cy’indege aho indege ziturutse mu Butaliyani zageze ku gicamunsi cyo kuri uyu wa Kabiri.

Guverinoma ya Congo yatangaje ko iyicwa rya Attanasio umutwe w’inyeshyamba za FDLR ariwo ubiri inyuma nubwo wwo wabihakanye. Uyu mutwe wiganjemo abahoze ari Ingabo z’u Rwanda n’abandi bagize uruhare muri Jenoside yakorewe Abatutsi mu 1994.

Kuri uyu wa Kabiri Perezida Félex Tshisekedi yohereje intumwa mu Butaliyani ijyanye ubutumwa kuri mugenzi we w’u Butaliyani, Sergio Mattallera.

Félex Tshisekedi kandi yohereje bamwe mu bagize Guverinoma mu Mujyi wa Goma kugira ngo batange umusanzu mu iperereza ku rupfu rw’ambasaderi Luca Attanasio, umurinzi we n’umushoferi w’imodoka.

Ubwo imodoka ya Loni yagezaga umurambo wa Luca Attanasio ku kibuga cy'indege
Indege zivuye mu Butaliyani zajyanye Luca Attanasio mu gihugu cyamubyaye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .