RDC: Zabyaye amahari muri FLN ya Rusesabagina bapfa amafaranga ya RNC

Yanditswe na Mukwaya Olivier
Kuya 2 Gashyantare 2021 saa 03:21
Yasuwe :
0 0

Amakuru ava muri Teritwari ya Fizi muri Kivu y’amajyepfo, Repubulika iharanira Demokarasi ya Congo, aremeza ko Col Iyamuremye Théoneste uzwi kw’izina rya Maisha yaba yatorokanye amafaranga ya FLN nyuma y’uko amenye ko hari inkunga bahawe na RNC ntamenyeshwe uko yakoreshejwe.

Bije nyuma y’iminsi muri uyu mutwe harimo ikibazo cyo kutumvikana ku mikoreshereze y’umutungo cyane ko ihuriro MRCD Ubumwe ryirukanye ishyaka CNRD Ubwiyunge muri iri huriro, amafaranga yavagamo imisanzu yabuze kubera ifungwa rya Rusesabagina ubu buri wese akaba ari gusama aye.

Col Iyamuremye yari amaze iminsi afitanye ikibazo n’umuyobozi we Gen Habimana Hamada bapfa umutungo wa FLN aho yamushinjaga kurya amafaranga afatanije n’uwitwa Col.Kanyoni ntibagire icyo bamuhereza.

Hari kandi amafaranga Gen Hamada yahawe na RNC, Col.Maisha aza kumenya ko yakoreshejwe atabizi nuko nawe afata icyemezo cyo gutorokana ayo yari abitse.

Birakekwa ko Col Iyamuremye Theoneste usanzwe akekwaho ibyaha bya Jenoside yakorewe Abatutsi, yaba yarahungiye muri Zambia cyangwa Mozambique.

Kugeza ubu MCRD FLN nyuma y’ifungwa rya Rusesabagina wari umuterankunga mukuru n’ifatwa ry’abarwanyi ba FLN yisanze imeze nk’itakibaho, itangira kwihuza n’indi mitwe.

Umutwe w’iterabwoba wa RNC ya Kayumba Nyamwasa urimo kugenda ushyira hamwe imitwe yose ishaka guhungabanya umutekano w’u Rwanda ku ikubitiro ukaba waratangiranye n’abo muri FDLR ahereye ku badashinjwa kugira uruhare muri Jenoside yakorewe abatutsi.

Inyeshyamba za FLN zasubiranyemo kubera amafaranga yatanzwe na RNC

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .