00:00:00 IGIHE NETWORK KN KINYARWANDA EN ENGLISH FR FRANCAIS

Nyarugenge: Abantu 40 bafatiwe mu rusengero barenze ku mabwiriza yo kwirinda Covid-19

Yanditswe na Mutangana Gaspard
Kuya 2 Gicurasi 2021 saa 05:36
Yasuwe :
0 0

Ubuyobozi bw’Akagari ka Kiyovu mu Murenge wa Nyarugenge, bufatanyije n’inzego z’umutekano, bafashe abantu 40 basengera mu rusengero rutemerewe gukora kubera amabwiriza yo kwirinda Covid-19.

Abafashwe ni abagize itorero Umutima wa Kristo, basengeraga mu nyubako iri mu Kagari ka Kiyovu mu Murenge wa Nyarugenge ho mu Karere ka Nyarugenge, mu Mujyi wa Kigali

Uwungirije Pasiteri w’iri torero, Hakizimfura Ernest, yabwiye IGIHE ko bafite ibyangombwa bibemera gukora amateraniro, ahubwo habayeho kwitiranya ibyangombwa byabo.

Ati “Ntekereza ko ahari ari ukutabisobanukirwa neza kw’abatubaza. Dufite icyemezo. Kuri Pasika baduciye amande kubera ko twari twarengeje umubare w’abemerewe guteranira muri uru rusengero, kandi twarayatanze. Twongeye gukora, kandi ntabwo umubare warengaga, amabwiriza twari twayubahirije.”

Umunyamabanga Nshingwabikorwa w’Akagari ka Kiyovu iri torero riherereyemo, Niringiyimana Timothée, yavuze ko iri torero ryerekana icyemezo cy’ubuzima gatozi cy’irindi torero, kandi na ryo rikaba ritari ku rutonde rw’ayemerewe gukora amateraniro muri ibi bihe abantu basabwa kurwanya ikwirakwira rya Covid-19.

Ati “ Icyangombwa berekana ni icya Clairvoyance Ministry, kandi bo bitwa Umutima wa Kristo. Ikindi kandi bose ntabwo bari ku rutonde rw’insengero zuzuje ibisabwa, ari zo zemerewe gukora muri ibi bihe bya Covid-19.”

Niringiyimana yagiriye abanyamadini inama yo kwirinda kurenga ku mabwiriza yo kurwanya Covid-19, bagasaba ibyangombwa mu gihe bumva bujuje ibisabwa.

Amakuru IGIHE yamenye, ni uko abayoboke b’itorero Umutima wa Kristo, bajyanywe muri Stade Régional i Nyamirambo, naho Hakizimfura Ernest wungirije Pasiteri w’iri torero agashyikirizwa Urwego rw’Igihugu rw’Ubugenzacyaha, RIB.

Abasaga 40 bafatiwe mu rusengero barenze ku mabwiriza yo kwirinda Covid-19
Amakuru IGIHE yamenye, ni uko abayoboke b’itorero Umutima wa Kristo, bajyanywe muri Stade Régional i Nyamirambo
Uwungirije Pasiteri w’iri torero, Hakizimfura Ernest, yavuze ko bafite ibyangombwa bibemera gukora amateraniro, ahubwa habayeho kwitiranya ibyangombwa byabo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .