Ni mu butumwa Mushikiwabo yakurikije ubw’umukinnyi wa filime Omar Sy uri mu bakinnyi b’imena muri iyo filime, watangajwe n’uburyo byitezwe ko iyo filime zarebwa nibura n’abantu bo mu ngo miliyoni 70 mu gihe cy’iminsi 28.

Omar yanditse ati “Biratangaje. Ntewe ishema cyane no kuba Lupin ariyo filime y’uruhererekane yo mu Bufaransa kuri Netflix yakoze amateka ku ruhando mpuzamahanga. Iyo ataba mwe[avuga abakunzi bayo] ntabwo byari gupfa gushoboka.”

Mushikiwabo mu butumwa bwe yakurikije ubwa Omar Sy yashimye intambwe iyi filime yateye. Ati “Komereza aho Omar Sy. Uratangaje cyane. Netflix natwe twese twishimira filime nziza z’Igifaransa tuzakora ibirenze ibi.”

Kugeza ubu Lupin niyo filime ya mbere y’uhererekane y’Igifaransa ibashije kuza mu 10 za mbere zikunzwe muri Amerika. Yanikiye izindi zirimo iz’Icyongereza nka Bridgerton biteganyijwe ko izarebwa n’ingo miliyoni 63 na The Queen’s Gambit izarebwa n’ingo miliyoni 62.

Iyi filime yagiye hanze ku wa 8 Mutarama 2021, iyoboye izindi filime mu Bufaransa kugeza ubu, ndetse Netflix yatangaje ko mu bihugu nka Brésil, Vietnam, Argentine, u Budage , u Butaliyani , Espagne, Pologne , u Buholandi, Philippines, Suède n’ibindi byinshi hose ariyo iyoboye.

Lupin ni filime y’urwenya ya George Kay na François Uzan. Igizwe n’ibice 10. Igaragaramo Omar Sy ukina yitwa Assane Diop, Vincent Londez ukina nka Captain Romain Laugier, Ludivine Sagnier ukina yitwa Claire, Clotilde Hesme ukina nka Juliette Pellegrini n’abandi.

Bravo @OmarSy!! You are simply amazing!! Indeed @Netflix and all of us who enjoy a good show en français should work for more.#LaFrancophoniedelavenir #Netflixenfrancais @OIFrancophonie https://t.co/WEbyVB7gNZ

— Louise Mushikiwabo (@LMushikiwabo) January 20, 2021

Reba agace gato k’iyi filime

Mushikiwabo yishimiye intambwe filime yitwa Lupin yateye ku ruhando mpuzamahanga