MTN yageneye AU miliyoni 25 $ yo gufasha kugura inkingo za Covid-19

Yanditswe na Ntabareshya Jean de Dieu
Kuya 4 Gashyantare 2021 saa 12:18
Yasuwe :
0 0

Sosiyete y’itumanaho ya MTN Group, yageneye inkunga umuryango w’Afurika yunze Ubumwe (AU) ya miliyoni 25 z’amadorali (asaga miliyari 22.5 Frw) , muri gahunda yo gutumiza inkingo za Covid-19.

Mu itangazo ryashyizwe ahagaragara na MTN Group, rigaragaza ko iyi sosiyete yatanze iyi nkunga nk’umusanzu wo gushaka inkingo ku mugabane w’Afurika ukomeje kuzahazwa na Coronavirus.

Rigira riti “Ni inkunga yo gufasha muri gahunda yo kubona inkingo, dukorana n’ikigo cy’Afurika gishinzwe indwara zibyorezo, CDC, n’itsinda ry’Afurika Yunze Ubumwe rishinzwe iby’inkingo, AVATT.”

Biteganyijwe ko iyi nkunga izifashishwa mu kugura inkingo za Covid-19, zingana na miliyoni 7 ndetse n’ikiguzi cyo gutanga izo nkingo mu bihugu bitandukanye by’Afurika, hitawe cyane ku bakozi bo muri serivise z’ubuzima.

Muri iri tangazo MTN ivuga ko izakomeza ubufatanye mu kubungabunga ubuzima bw’abaturage no kwita kuhazaza ha Afurika.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .