Malawi: Mutharika wahoze ari Perezida yatsinzwe ikirego yasabagamo gufungurirwa konti zafatiriwe

Yanditswe na Uwimana Abraham
Kuya 25 Mutarama 2021 saa 12:10
Yasuwe :
0 0

Peter Mutharika wahoze ari Perezida wa Malawi yatsinzwe ikirego yasabagamo ifungurwa rya konti ze za banki zafunzwe kubera ibyaha bya ruswa akurikiranyweho.

Kuwa Gatanu ushize nibwo Urukiko Rukuru muri Malawi rwanze ubusabe bwa Mutharika wasabaga ko yasubizwa uburenganzira kuri konti ze n’iz’umugore we, zahagaritswe n’Ikigo Gishinzwe Kurwanya Ruswa (ACB) muri Kanama 2020, hagamijwe kureba uruhare rwe mu inyerezwa rya miliyari 5 z’ama-kwaca [miliyoni 6,6 $].

Iki kigo cyavugaga ko hari nimero iranga umusoreshwa ya Mutharika yakoreshejwe mu kwinjiza sima mu gihugu, ntizishyura imisoro mu myaka ya 2018 na 2019.

Muri Nyakanga 2020, uwahoze ari umurinzi we ndetse n’uwari ukuriye imisoro ubwo yari akiri ku butegetsi, na bo batangiye gukorwaho iperereza muri icyo kirego.

Muri Nyakanga umwaka ushize nibwo Peter Mutharika yatsinzwe na Lazarus Chakwera, mu matora yabaye asubiwemo nyuma y’uko ayo Mutharika yatsinze mu 2019 bigaragaye ko yabayemo uburiganya.

Peter Mutharika yatsinzwe urubanza yasabagamo ifungurwa rya konti ze zafunzwe akurikiranyweho ruswa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .