Umuhanda Gicuba-Janja uri gutunganywa wari usanzwe ukoreshwa ariko mu gihe cy’imvura nyinshi n’ibiza byibasiraga Akarere ka Gakenke wakundaga kwangirika ntube nyabagendwa, ufite ibirometero 32,8 uri gutunganywa ngo wagurwe unatsindagire uzatwara agera kuri miliyari 3,6 Frw muri iki cyiciro cya mbere cy’imirimo.

Umuyobozi w’Akarere ka Gakenke, Nzamwita Deogratias yavuze ko uyu muhanda uri gikorwa byari bigoranye kuwukoresha cyane cyane mu gihe cy’imvura kuko wangirikaga bityo abaturage ntibageze umusaruro wabo ku isoko.

Yavuze ko bizanafasha abajya ku bitaro bya Gatonde, kuko hari abageragayo barembye kubera umuhanda mubi.

Akarere ka Gakenke kakunze kwibasirwa n’ibiza byakomaga mu nkokora ubuhahirane no kugeza umusaruro ku masoko, bikabangamira imigenderanire n’utundi duce.

Biteganyijwe ko uyu muhanda mushya uzateza imbere ubuhahirane mu karere

Imihanda iri gikorwa iri guhita itsindagirwa

Imwe mu mihanda yerekeza Janja iri kwagurwa