Kwamamaza

Buri karere kagiye kubaka umudugudu w’icyitegererezo

Yanditswe kuya 27-08-2016 saa 16:39' na Ntakirutimana Deus


Ikigo cy’Igihugu gishinzwe imiturire gifite muri gahunda ko Uturere twose tw’u Rwanda tuzubakwamo imidugudu y’icyitegererezo kugeza mu mpera z’umwaka utaha, mu rwego rwo kunoza imiturire.

Iyo midugudu izubakwa muri gahunda yo kunoza imiturire mu bice by’icyaro, kugira ngo abaturage bature mu midugudu ifite ibikorwa remezo nkenerwa ijyanye n’igihe.

Kampayana Augustin, Ushinzwe imiturire n’iterambere mu kigo cy’igihugu gishinzwe imiturire(RHA) yavuze ko iyo midugudu izubakwa muri gahunda y’amajyambere arambye (Integrated Development Programme-IDP model village) yatangijwe muri 2010.

Kampayana yavuze ko iyo midugudu izaba iteye nk’uwubatswe mu Murenge wa Rweru mu karere ka Bugesera, uherutswe kwimurirwamo abaturage bimuwe ku birwa bya Mazane na Shalita.

Iyo midugudu izubakwa mu turere twose tw’u Rwanda izaba ifite ibikorwa remezo nk’iby’uwa Rweru birimo amazi meza, amashanyarazi, amashuri, ivuriro, aho kuhira inka, ibibuga n’ibindi, nk’uko New Times ibitangaza.

Kampayan ati “Twateganyije ahazubakwa iyo midugudu, ibishushanyo byari bigikomeza. Mu mpera z’umwaka utaha w’ingengo y’imari, buri karere kazaba gafite umudugudu w’icyitegererezo.”

Iyo midugudu izabanza gutuzwamo abatuye mu duce tw’amanegeka. U Rwanda rukaba rufite intego y’uko abaturage barwo bazatuzwa mu midugudu ku kigero cya 70% mu bice by’icyaro, ndetse na 35% mu midugudu y’icyitegerezo mu mijyi muri 2020.

Mu isozwa ry’ icyiciro cya mbere cya gahunda y’imbaturabukungu EDPRS 1 muri 2012, iyo gahunda yari imaze gushyirwa mu bikorwa ku kigero cya 17.2%, mu mijyi na 55.8% mu cyaro. Hakaba harimo gukora ibishoboka byose ngo bizagerweho mu mwaka wa 2020, u Rwanda rwiyemeje.

Kugeza ubu ngo imibare mishya ishobora kuba igeze ku kigero cya 60 mu byaro na 20% mu mijyi.

Iyo midugudu y’icyitegererezo ntizubakwa mu turere gusa kuko na buri Ntara ifite uwo mudugudu, ifite ibikorwaremezo by’ibanze, kandi bizongerwa.

Muri 2014, abantu bagera ku bihumbi 48 bari batuye mu manegeka abenshi bakaba baragiye bimurwa, abahatuye bakaba bageze ku bihumbi umunani.

Mu rwego rwo kunoza ibijyanye no guteza imbere imiturire, leta yagennye imijyi ya kabiri itandatu izunganira uwa Kigali. Iyo ni Rubavu na Rusizi mu Burengerazuba, Muhanga na Huye mu Majyepfo, Nyagatare mu Burasirazuba na Musanze mu Majyaruguru.

Kugeza ubu guverinoma irimo gushishikariza abikorera kugira uruhare mu iterambere ry’iyo mijyi.

Gahunda yo kunoza imiturire igenda ihura n’imbogamizi zitandukanye zirimo abaturage bagifite imyumvire yo hasi ku bijyanye no kwimuka mu bice by’amanegeka ndetse n’ingengo y’imari idahagije.

Gushyira mu bikorwa iyo gahunda bikeneye amafaranga y’u Rwanda asaga miliyari 90.
Inzobere zibona u Rwanda nk’igihugu kirimo kuzamuka mu bijyanye n’iterambere, akaba ariyo mpamvu n’imiturire igomba kuzamuka kuri uwo muvuduko.

Umudugudu wIcyitegererezo wubatswe mu Murenge wa Rweru mu Karere ka Bugesera

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 25 September 2016
Copyright © 2009 -2014 - IGIHE Ltd - All Rights Reserved