Amabonekerwa, umuganda, imikino…uko icyumweru dusoje cyagenze mu mafoto

Yanditswe na IGIHE
Kuya 1 Ukuboza 2019 saa 01:55
Yasuwe :
0 0

Icyumweru cyo kuva tariki 25 Ugushyingo kugeza tariki 1 Ukuboza, mu Rwanda habaye amakuru menshi atandukanye aherekejwe n’amafoto byatambutse kuri IGIHE.

Mu gusubiza amaso inyuma ku nkuru zikomeye kandi zitandukanye zahatambutse, twatoranyije amafoto y’ingenzi agaragaza ibikorwa byabaye muri iki cyumweru dusoza.

Perezida Kagame na Madamu Jeannette Kagame mu Nama Mpuzamahanga yiga ku Buringanire y’iminsi itatu yateraniye mu Mujyi wa Kigali kuva kuwa 25 Ugushyingo 2019
Kuwa 27 Ugushyingo, Abanyarwanda 33 bari bafungiwe muri Uganda bageze mu Rwanda. Bajugunywe n'inzego z'umutekano za Uganda ku mupaka wa Cyanika
Tariki 28 Ugushyingo, Ibyishimo byari byose ku bafana na Rayon Sports ubwo ikipe yabo yatsindaga AS Muhanga 2-1
Abayoboke ba Kiliziya Gatolika kuwa 28 Ugushyingo bari babukereye i Kibeho mu kwizihiza isabukuru y'amabonekerwa ya Bikira Mariya
Kuwa Gatatu, ubwo i Kigali hatangizwaga inama mpuzamahanga y’urubyiruko rwa gikirisito rwibumbiye mu muryango wa Boy’s and Girl’s Brigade
Inyubako ya Kigali Convention Centre iherereye ku Kimihurura, ku mugoroba wo kuri uyu wa Mbere yarimbishijwe mu ibara rishimangira ikimenyetso cyo gutangiza ubukangurambaga bw’iminsi 16 bwo kurwanya ihohoterwa rishingiye ku gitsina
Kuwa Mbere, Sosiyete y’indege ikomoka muri Kenya, Jambojet yatangije ingendo zayo i Kigali
Tariki 26 Ugushyingo, Abafana ba Sunrise FC bari bahize kubambira APR FC i Gologota, bakayitsinda ibitego 2-1 ariko byarangiye ibatsinze ibitego 4-2
Kuwa Mbere, Noam Emeran ukomoka ku mubyeyi w’umunyarwanda yahawe amasezerano ya mbere nk'uwabigize umwuga muri Manchester United
Umwe mu bagororwa 53 bafungiwe icyaha cya Jenoside yakorewe Abatutsi mu 1994 asaba imbabazi umuryango yahekuye. Ni igikorwa cyabaye ku wa Gatatu mu Murenge wa Mayange mu Karere ka Bugesera
Mu kwizihiza amabonekerwa ya Kibeho hari hitabiriye abantu basaga ibihumbi mirongo itanu
Kuwa Kane tariki 28 Ugushyingo, ababarirwa mu bihumbi baturutse imihanda yose y’Isi biganjemo abakirisitu Gatolika bakoraniye i Kibeho mu Karere ka Nyaruguru mu kwihiza isabukuru y’Amabonekerwa yahabereye
Madamu Jeannette Kagame mu ifoto y'urwibutso hamwe n'abayobozi ba Kiliziya Gatolika ku wa Gatanu mu ihuriro rigamije kurebera hamwe uruhare rwa Kiliziya Gatolika mu guteza imbere ubumwe n’ubwiyunge nyuma y’imyaka 25 habaye Jenoside yakorewe Abatutsi mu 1994
Umwe mu bafana mu ijoro ryo ku wa Gatanu tariki 29 Ugushyingo 2019 ubwo mu Mujyi wa Kigali haberaga igitaramo cya Kigali Jazz Junction gihuriyemo Bruce Melodie ndetse n’ikirangirire Jidenna bashimishaga abakunzi b’umuziki
Perezida Paul Kagame na Madamu Jeannette Kagame, ku wa Gatandatu bitabiriye umuganda ngarukakwezi uba ku cyumweru cya nyuma cy'ukwezi, wahurije hamwe abasaga 8000 mu Murenge wa Kimihurura mu Mujyi wa Kigali
Umwe mu baturage bitabiriye umuganda kuri uyu wa Gatandatu ukabera ku Kimihurura mu Mujyi wa Kigali
Abamotari mu karasisi kuwa Gatanu ubwo Ikigo cy’itumamano cya Airtel cyakoreraga igitaramo cya Tera Stori mu Karere ka Musanze, cyari gifite intego yo kwishimana n’abakiliya bayo no kugirana imikoranire ya hafi n’aka Karere mu iterambere ryako
Ku wa Gatanu, Radisson Blu Hotel and Kigali Convention Centre, yacanye igiti cya Noheli, mu gutangiza imyiteguro y’iminsi mikuru isoza umwaka wa 2019 yahujwe n’ibikorwa bifasha abana n'abakuru kwidagadura

Amafoto ya IGIHE yakoreshejwe yafashwe na: Muhizi Serge, Umurerwa Delphin, Himbaza Pacifique na Prudence Kwizera.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza