Hatangijwe uburyo bwo kwita ku isuku n’ubwiza by’abana hubahirizwa ingamba zo kwirinda Covid-19

Yanditswe na Mukahirwa Diane
Kuya 19 Gashyantare 2021 saa 07:38
Yasuwe :
0 0

Mu gihe icyorezo cya Covid-19 gikomeje guca ibintu hirya no hino mu Rwanda no ku Isi muri rusange, ibigo bitandukanye by’ubucuruzi bikomeje gushyiraho ingamba zatuma bikomeza imirimo yabyo ariko nanone bitabaye intandaro yo gukwirakwiza icyorezo cya Covid-19.

Kimwe mu byakozwe mu rwego rwo guhashya ikwirakwira rya Covid-19, harimo nko guteza imbere kwishyurana hifashishijwe ikoranabuhanga ndetse no guteza imbere ubucuruzi bwo kuri internet.

Ni muri urwo rwego ikigo Nik Salon gitanga serivise z’ubwiza, cyamaze gutangiza salon yihariye igenewe gutanga serivise ku bana bato, mu rwego kubarinda kuba bakanduzwa n’abantu bakuru icyorezo cya Covid-19.

Iyi salon izajya itanga serivise zisanzwe zitangwa muri salon z’abantu bakuru, zirimo kogosha, kudefiriza, gusuka, ndetse no gukora inzara ariko ku bana gusa.

Umwe mu bashinzwe Nik salon, Uwimana Clarisse, yavuze ko bifuje gushinga iyi salon kugira ngo batange umusanzu wabo mu kurwanya ikwirakwira rya Covid-19, cyane mu bana bakiri bato.

Ati “Buri wese akwiye gutanga umusanzu mu kurwanya Covid-19, twe twahisemo kuyirwanya cyane mu bana kuko ishobora kubazahaza, rero twashinze salon ku buryo abana batagira ahantu bahurira n’abantu bakuru bikabarinda kwandura.”

Yakomeje avuga ko usibye kuba iyi salon izarinda abana guhura na Covid-19 mu gihe bagiye gukorerwa isuku, izanabafasha kwidagadura batabangamira abantu bakuru, bagakinira mu bikoresho bashyiriweho bisanzuye.

Ati “Hari ubwo umwana ajya muri salon ugasanga barimo kumufata ngo adakubaganira abantu bakuru, ariko hano abana bazajya bisanzura bakinira mu bikoresho byabashyiriweho bibashimisha.”

Umwihariko kuri iyo salon ni uko ifite ibikoresho byagunewe mu gukorera abana, kuko hari aho usanga abana bajyanwa muri salon z’abakuze, bagasukurwa n’ibikoresho bisanzwe bisukura abantu bakuru, nyamara bishobora kubagiraho ingaruka mbi.

Uwimana yavuze ko bafite ibikoresho byabugenewe ku bana ku buryo badahura n’ingaruka zo gukoresha ibintu by’abantu bakuru.

Ati “Hari ibintu tutitaho ariko by’ingirakamaro, ugasanga umwana bamujyanye muri salon bamusize mu mutwe amavuta y’abantu bakuru, kandi bimwangiriza umusatsi, twebwe rero dufite ibikoresho byabugenewe bikoreshwa ku bana gusa.”

Akandi karusho kuri iyi salon ni uko mu nyubako yo hejuru y’ahari inyubako y’abana, harimo ishami ry’abantu bakuru, ku buryo umubyeyi wazanye umwana nawe yahita akorerwa ibyo akeneye bitamusabye kuzafata undi mwanya.

Abana babakorera bisanzuye mu bikoresho byabo byabugenewe
Abana bogoshwa bicaye mu ntebe z'ibikinisho zibashimisha
Nik Salon ikorera Nyarutarama kuri hotel Villa portofino
Muri iyi salon haba ibikorresho byagenewe abana bituma bisanzura iyo bari kubogosha
Muri iyi salon hari ibikoresho byagenewe abana
Nik salon yagiyeho mu kurinda abana kwanduka Covid 19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .