00:00:00 IGIHE NETWORK KN KINYARWANDA EN ENGLISH FR FRANCAIS

Ifoto y’Umunsi: Yaganuye ku magare ya “Guraride” yambaye ‘High heels’

Yanditswe na Muhonzire Sylvine
Kuya 10 Nzeri 2021 saa 07:19
Yasuwe :
0 0

Amagare ya ‘Guraride’ yari amezi arenga abiri ari mu mihanda itandukanye y’Umujyi wa Kigali, kuri uyu wa 9 Nzeli 2021 nibwo hatangijwe ku mugaragaro ikoreshwa ryayo, bamwe batangira kuyaganura harimo n’umukobwa waritwaye yambaye inkweto ndende, ‘High heels’.

Ni amagare yari amaze igihe kinini ategerejwe n’Abanya-Kigali ku buryo ku munsi yatangirijweho benshi bagaragaye bayatwaye mu mihanda harimo n’uyu mukobwa warinyonga yambaye inkweto ndende ubusanzwe zinagora bamwe kuzigenderamo.

Kurigendaho bizaba ari ubuntu mu gihe cy’amezi abiri uhereye kuri uyu wa 9 Nzeli 2021, nyuma hazashyirwaho ibiciro byoroheye buri wese ku bufatanye n’inzego zitandukanye zirimo n’Urwego Ngenzuramikorere, RURA.

Abazajya bakenera kurikoresha bagomba kuba bafite ‘application ya ‘Guraride’ muri Telefone ndetse bitwaze n’ibyangombwa birimo indangamuntu kuko kuri buri sitasiyo hazajya haba hari umukozi wa Guraride ushinzwe kubandika, kubayobora no kubasobanurira imikoreshereze y’igare.

Ku ikubitiro hatangijwe amagare 80 ari kuri sitasiyo 12 zitandukanye rwagati mu mujyi ndetse no ku muhanda wa Remera-Controle Technique-Kimironko, aho biteganyijwe ko azagenda yongerwa, cyane ko atenyeranyirizwa mu Rwanda.

Kunyonga igare wambaye inkweto ndende byorohera benshi kurusha uko bazigendamo
Abanyarwanda batandukanye batangiye kunyonga amagare ya 'Guraride' yatangiriye mu Mujyi wa Kigali
Gutwara amagare ya 'Guraride' bizamara amezi abiri ari ubuntu
Nta muntu n'umwe uhejwe kuri aya magare
Kuyatwara bisaba kuba ufite application ya Guraride ndetse no kwiyandikisha
Umukozi wa 'Guraride' yaganuye ku igare ryayo yambaye 'High Heels'

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .