Ifoto y’Umunsi: Umwofisiye mushya n’umwana we nyuma yo guhabwa ipeti rya Sous-Lieutenant

Yanditswe na IGIHE
Kuya 19 Ugushyingo 2019 saa 08:52
Yasuwe :
0 0

Tariki ya 16 Ugushyingo 2019 wari umunsi udasanzwe ku bofisiye bashya 320 binjijwe mu Ngabo z’u Rwanda nyuma y’igihe bahugurirwa mu Ishuri rya gisirikare rya Gako, riherereye mu Karere ka Bugesera.

Umuhango wo kubashyira mu rwego rwa Ofisiye wabereye i Gako, uyoborwa na Perezida Paul Kagame, Umugaba w’Ikirenga w’Ingabo z’u Rwanda.

Aba ari umunsi udasanzwe ku bofisiye kuko bahabwa impanuro n’Umukuru w’Igihugu ariko bikaba akarusho kuko bongera guhura no guhuza urugwiro n’imiryango yabo cyangwa ababakomokaho.

Ku wa Gatandatu, ababyeyi, inshuti n’abavandimwe b’abasoje amasomo bari bakereye kubakira no kubatera ingabo mu bitugu.

Bamwe babazaniye indabo nk’ikimenyetso cyo kubaha ikaze mu nshingano nshya bari bamaze igihe bategurirwa gukora.

Ni ibihe wabonaga byuje imbamutima ku mpande zombi. Imwe mu mafoto yagarutsweho ni igaragaza umwe mu basoje amasomo afashe ukuboko umwana muto.

Uwo ni Sous-Lieutenant Eric Mutabazi wari ufatanye agatoki ku kandi n’umwana we nyuma yo guhabwa ipeti rimwinjiza mu Ngabo z’u Rwanda. Ni ifoto igaragaza aba bombi batembera, umubyeyi ari kumwenyura mu gihe umwana yari yahanze ijisho mu mboni ya camera.

Mu bagera kuri 320 [barimo abakobwa 29] basoje amasomo n’imyitozo, harimo harimo abakoze amasomo ya gisirikare umwaka umwe, abize imyaka ine batahanye ‘Bachelor’s Degree in Social and Military Sciences’ na bane barangije amasomo mu bihugu bitandukanye.

Sous-Lieutenant Eric Mutabazi wari umaze guhabwa ipeti yari afatanye agatoki ku kandi n'umwana we uri mu bamwakiriye bwa mbere ari mu Mpuzankano ya RDF

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza