00:00:00 IGIHE NETWORK KN KINYARWANDA EN ENGLISH FR FRANCAIS

Ifoto y’umunsi: Car Free Zone itangiye gufata isura nshya

Yanditswe na IGIHE
Kuya 24 Kamena 2021 saa 08:21
Yasuwe :
0 0

Hashize iminsi Umujyi wa Kigali utangije imirimo yo kuvugurura agace katagendwamo n’imodoka kazwi nka ‘Car Free Zone’ hagamijwe kurushaho kunoza uko gasa ndetse no kugashyiramo ibikorwa bitandukanye bifasha abatuye uyu mujyi kuruhuka.

Muri Werurwe mu 2021 nibwo Umujyi wa Kigali watangaje ko imirimo yo gutunganya aka gace yamaze gutangira ndetse ko mu mpera za Gicurasi izaba yarangiye. Aka gace kazaba kitwa ‘Imbuga City Walk’.

Kuri ubu hari impinduka zigaragarira amaso muri ako gace. Kimwe mu bigaragara ni ijambo ‘Kigali’ rikoze mu buryo bwa 3D ryateretswe muri aka gace n’ ahagenewe kumurika ibikorwa byiganjemo iby’ubugeni.

Biteganyijwe ko ‘Imbuga City Walk’ nimara kuzura izaba igizwe n’inzira z’abanyamaguru n’abatwara amagare, ubusitani, kiosks (zizaba zicururizwamo ibirimo amafunguro n’ibinyobwa), ahagenewe kumurika ibikorwa, intebe rusange z’abashaka kuzahaganirira, aho wabona WiFi, ubwiherero rusange n’ibindi bitandukanye.

Aka gace gaherereye ku muhanda wa KN 4 Avenue, mbere ya 2015 wari umuhanda ucamo imodoka zose kugeza ubwo tariki 26 Kanama 2015 Umujyi wa Kigali watangazaga ko kagizwe agace kahariwe abanyamaguru.

Aka gace kamaze gushyirwamo ijambo 'Kigali' rkoze mu buryo bwa 3D
Imbuga City Walk izaba irimo ibikorwaremezo bitandukanye bifasha abagana Umujyi wa Kigali kuruhuka

Amafoto: Niyonzima Moise


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .