Kwamamaza

Amafoto y’umunsi

Yanditswe kuya 29-11-2016 saa 10:54' na IGIHE


Ku wa Gatanu w’icyumweru gishize, nibwo byamenyekanye ko Fidel Castro wayoboye Cuba yitabye Imana ku myaka 90.

Castro ufatwa nk’intwari yaharaniye amahoro n’impinduka mu gihugu cye no hanze yacyo, azibukirwa kuri byinshi yakoreye rubanda nyamwinshi rwari rwaratsikamiwe n’ingoma z’igitugu n’ubukoloni.

Mu 1959, Fidel Castro n’umuvandimwe we Raul Castro na Ernesto Che Guevara, bafatanyije kurwanya ubutegetsi bw’igitugu bw’uwayoboraga Cuba, Fulgencio Batista, baranamutsinda.

Ibikorwa byo guharanira amahoro no kwigenga, Castro ntiyabikoreye abaturage b’igihugu cye kuko yabyaguriye hirya no hino ku isi harimo no muri Afurika, aho yatanze ubufasha mu bya gisirikare mu kurwanya ingoma z’igitugu n’ubukoloni byagaragaraga mu bihugu binyuranye kuri uyu mugabane.

Castro yohereje ingabo muri Angola mu ntambara yo guharanira ubwigenge bw’iki gihugu, bitandukanya n’ubukoloni bw’abanya-Portugal, ibintu byaje kugerwaho mu 1975. Si muri iki gihugu kuko yafashije abaharaniraga impinduka mu bihugu nka Burkina Faso, aho Thomas Sankara yamufatiyeho urugero maze abasha kwigaranzura ruswa no gukandamizwa n’Abafaransa bari barakoronije iki gihugu.

Ingabo za Cuba kandi zafashije abanya-Afurika y’Epfo kurwanya politiki y’ivanguraruhu (Apartheid) yahezaga bikomeye Abirabura, bagamije kuyibuza gukwirakwira mu bindi bihugu byo muri Afurika y’Amajyepfo.

Kuva mu myaka ya 1960, ingabo z’iki gihugu cyo muri Amerika y’Epfo, zoherejwe gutanga ubufasha mu bihugu nka Algeria, Guinea, Guinea Bissau, Equatorial Guinea, Sierra Leone na Libya.

Bitangazwa ko ingabo z’icyo gihugu zirenga 4000 zatakarije ubuzima mu ntambara zo muri Afurika ku butegetsi bwa Fidel Castro, aho kimwe cya kabiri cyabo bapfiriye mu ntambara yabereye muri Angola.

Bitewe n’ibyo bikorwa by’indashyikirwa yakoreye umugabane wa Afurika, byatumye Castro ahura n’abayobozi b’ibihugu byaho nka Patrice Lumumba wayoboye Congo, Kwame Nkrumah waharaniye ubwigenge bwa Ghana, Nelson Mandela warwanyije Apartheid muri Afurika y’Epfo, Muammar Gaddafi wayoboye Libya, Robert Mugabe uyobora Zimbabwe n’abandi.

Ibikorwa bye bishimwa n’abantu batandukanye, ndetse abenshi babigaragaje nyuma y’urupfu rwe aho bagiye bavuga amagambo abirata.

Amatwara ya Castro yafashije Thomas Sankara (ibumoso) kugera ku mpinduka yari yariyemeje kurwanira
Abaharaniye impinduka mu bihugu binyuranye bamuvugaga ibigwi. Uyu bari kumwe ni Kwame Nkrumah
Castro asuhuza Agostinho Neto yafashije kugera ku butegetsi muri Angola
Umubano mwiza yari afitanye na Afurika watumye ahura n'abayobozi batandukanye barimo na Gaddafi (hagati)
Yabonanye kandi na Mandela ubwo yari yamusuye muri Afurika y'Epfo mu 2001
Yabonanye kandi na Robert Mugabe uyobora Zimbabwe
Aha ni mu 2001 ubwo yari kumwe na Thabo Mbeki wayoboye Afurika y'Epfo
Mu 2001 kandi yakiriye Blaise Compaore icyo gihe wayobora Burkina Faso

Kwamamaza

Kwamamaza
IZINDI NKURU WASOMA
Amafoto y’umunsi
2016-12-07 08:33:02
Amafoto y’umunsi
2016-11-22 10:32:12
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved