Kwamamaza

Amafoto y’umunsi

Yanditswe kuya 22-11-2016 saa 10:32' na IGIHE


Apartheid ni igikorwa cy’ivanguraruhu cyakozwe n’ubutegetsi bw’abazungu muri Afurika y’Epfo hagati ya 1948 na 1994, aho abirabura bahezwaga mu bikorwa bitandukanye ndetse bakanamburwa n’uburenganzira kuri imwe mu mitungo yabo.

Uretse kwamburwa ubutaka, mu gihe cya Apartheid abazungu bagabanyijemo abanya-Afurika y’Epfo amoko ane ndetse banabashyiriraho amabwiriza anyuranye arimo kubaheza mu bice bimwe na bimwe byabagamo abazungu. Hari itegeko kandi ko buri mwirabura wese agomba kugaragaza ibyangombwa bimwemerera kuba cyangwa gukorera mu bice binyuranye, ariko cyane ibyabagamo ab’uruhu rwera.

Hashyizweho amategeko ahambaye akandamiza abirabura, harimo kuba abantu batari bahuje ubwoko byari ikizira gushyingiranwa, uwakoranaga imibonano mpuzabitsina n’uwo badahuje ubwoko nawe yahanwaga bikomeye, ndetse nta mwirabura wari wemerewe gutunga ubutaka mu bice by’abazungu, yemwe no gutora ku mwirabura byari ikizira.

Nyuma gato abirabura bo muri iki gihugu batangiye kwigaragambya mu bice bitandukanye bamagana iryo vangura, aho baje gushyigikirwa na Nelson Mandela wanabifungiwe imyaka 27 nyuma yo guashinjwa guteza umutekano muke mu gihugu agambiriye guhirika ubutegetsi.

Nyuma y’igitutu cy’imiryango mpuzamahanga yari itewe ubwoba n’uko muri iki gihugu havuka intambara y’amoko, Nelson Mandela, yarafunguwe ndetse yumvikana na Frederik Willem de Klerk, wari Perezida w’icyo gihugu ku buryo Aparteid yarwanywa, byaje kugerwaho ubwo habaga amatora y’Umukuru w’Igihugu ahuriweho na bose ari nayo Mandela yegukanye aba Perezida wa mbere w’umwirabura uyoboye Afurika y’Epfo.

Kugeza ubu Afurika y’Epfo ituwe n’abirabira n’abazungu bashyize hamwe muri byose, nubwo hakivugwa ubusumbane mu by’umutungo bemeza ko abazungu bakiri hejuru y’abirabura.

Mu gihe cya Apartheid abirabura barakumiriwe abandi bagirirwa nabi n'abazungu
Mu gihe cy'imyigaragambyo yamaganaga Apartheid abirabura bagiriwe nabi bikomeye
Abirabura bigaragambyaga bafite ibyapa bigaragaza ko abanyafurika y'Epfo bose ari bamwe
Bamwe mu bazungu bari barokamwe n'irondaruhu bigabaga mu mihanda bagaragaza ko Apartheid atari icyaha cyibasira inyokomuntu
Nelson Mandela ufatwa nk'intwari y'iki gihugu, yarwanyije Apartheid birangira ayitsinze
Kuri ubu abazungu n'abirabura muri iki gihugu bahurira ku kibuga bagafana ikipe yabo y'igihugu
Ibyo badashyigikiye babigaragariza hamwe nta n'umwe usigaye
Mbere ntibyabagaho ko umuzungu n'umwirabura bahurira ku murimo, ariko ubu bose bakinana mu makipe atandukanye harimo n'iy'igihugu 'Bafana Bafana'

Kwamamaza

Kwamamaza
IZINDI NKURU WASOMA
Amafoto y’umunsi
2016-12-07 08:33:02
Amafoto y’umunsi
2016-11-29 10:54:45
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved