Kwamamaza

Amafoto y’Umunsi

Yanditswe kuya 17-11-2016 saa 09:14' na IGIHE


Urukiko Mpuzamahanga Mpanabyaha ICC, rufite icyicaro i Hague mu Buholandi, ruburanisha ibyaha birimo ibya Jenoside, iby’intambara n’ibyibasiye inyokomuntu.

Uru rukiko rwashyizweho n’amasezerano ya Roma yemejwe mu 1998 n’ibihugu 124 birimo 34 byo ku mugabane wa Afurika. Rwatangiye gukora ku mugaragaro mu 2002.

Uko imyaka yagiye yicuma, ICC yatangiye gushyira mu bikorwa inshingano zayo zo kuburanisha abanyabyaha, aho kuri ubu rwatangije iperereza ryimbitse mu bihugu nka Repubulika ya Centrafrique, muri Côte d’Ivoire; Darfur muri Sudani , Repubulika Iharanira Demukarasi ya Congo, Georgia, Mali, Libye n’ahandi.

Rwatangije kandi iperereza ry’ibanze ku byaha byakorewe mu bihugu bya Afghanistan, Burundi, Colombia; Gabon, Guinea, Nigeria, Palestine n’ahandi.

ICC imaze gusohora inyandiko (arrest warrant) zisaba guta muri yombi abantu 31 bakekwaho ibyaha binyuranye, barimo na Perezida wa Sudani Omar Al Bashir ushinjwa ibyaha bya Jenoside n’iby’intanmbara byakorewe mu Ntara ya Darfur iherereye mu Burengerazuba bw’igihugu cye.

Rwagiye ruca imanza zinyuranye nkaho mu 2012 rwakatiywe Thomas Lubanga ukomoka muri Congo imyaka 14 y’igifungo, nyuma yo kumuhamya ibyaha by’intambara,ibyibasiye inyokomuntu, gufata abagore ku ngufu, byose byakorewe muri Ituri hagati ya 1999 na 2007. Harimo kandi Germain Katanga wakatiwe n’uru rukiko imyaka 12 y’igifungo, Dominic Ongwen, umunya-Uganda wari mu mutwe w’abarwanyi wa LRA, utegereje kuburana, Laurent Gbagbo wahoze uyobora Côte d’Ivoire uburanishwa n’uru rukiko n’abandi.

Gusa n’ubwo uru rukiko rugenda rukora akazi karwo, bimwe mu bihugu byashyize umukono ku masezerano ya Roma yarushyizeho byiganjemo iby’umugabane wa Afurika, byararwijunditse bivuga ko rwibasira abanyafurika gusa, ku buryo bimwe byatangiye gutera intambwe yo gutandukana narwo, birimo u Burundi, Afurika y’Epfo, Gambia ndetse n’u Burusiya bwinjiye muri uwo mugambi.

Mu 1998, ibihugu binyuranye by'Isi byitabiriye inama yo kunoza isinywa ry'amasezerano ya Roma yashyiragaho uru rukiko
Aya masezerano yashyizweho umukono n'ibihugu 124 birimo ibyo muri Afurika 34
Kuwa 17 Nyakanga 1998 nibwo bimwe mu bihugu byashyize umukono ku masezerano ya Roma byatangiye kwiyomoraho
Koffi Annan wari umuyobozi wa Loni icyo gihe avugira ijambo muri uwo muhango
Mu 2002, nibwo ICC yemejwe ndetse inatangira imirimo yayo
Muri Nzeri 2002, nibwo hateranye inama ya mbere yari ihuje ibihugu byose byasinye ku masezerano ya Roma mu rwego rwo gushyiraho amategeko agenga uru rukiko no kugena itorwa ry'abacamanza n'umushinjacyaha mukuru warwo
Nubwo u Burundi bwasinye aya masezerano ku bushake, Abarundi biraye mu mihanda bamagana icyemezo cy'urwo rukiko cyo gutangiza iperereza ku byaha byakoreweyo kuva umwaka ushize
Mu Ukwakira 2016, iki gihugu cyemeje umwanzuro wo kuva mu banyamuryango ba ICC
Uru rukiko rwijunditswe rushinjwa kwibasira abanyafurika. Aha abanyakenya bamaganaga icyemezo cyarwo cyo gukurikirana Perezida Uhuru Kenyatta na Visi Perezida we William Ruto
ICC yageze aho ihagarika ibyo gukurikirana aba bayobozi nyuma yo kubura ibimenyetso bihagije bibahamya icyaha

Kwamamaza

Kwamamaza
IZINDI NKURU WASOMA
Amafoto y’umunsi
2016-12-07 08:33:02
Amafoto y’umunsi
2016-11-29 10:54:45
Amafoto y’umunsi
2016-11-22 10:32:12
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved