Kwamamaza

Amafoto y’umunsi

Yanditswe kuya 16-11-2016 saa 10:40' na IGIHE


Donald Trump w’imyaka 70 y’amavuko aherutse gutorerwa kuyobora Leta Zunze Ubumwe za Amerika nka Perezida w’iki gihugu wa 45, ahigitse Hillary Clinton bari bahanganye ku majwi 290 kuri 228.

Umuherwe Trump ufite umutungo wa miliyari 3.7 z’amadorali ya Amerika, avuka kuri Fred Trump na Mary Trump bari abaherwe muri iki gihugu.

Ubwo yari afite imyaka 13, Trump yajyanywe kwiga mu ishuri rya gisirikare riherereye mu Mujyi wa New York ( New York Military Academy), aho yaherewe ipeti rya captain (muri icyo kigo gusa).

Yigaragazaga nk’umuhanga mu myitozo itandukanye irimo no kwiyereka ndetse akanabihemberwa, byatumye bamugira umuyobozi w’abanyeshuri (students commander), gusa nyuma yaje gukurwa kuri uwo mwanya nyuma y’ibirego by’uko hari umunyeshuri mushya w’Umufaransa wari ugiye kwiga muri iryo shuri, wahohotewe n’umwe mu banyeshuri yayoboraga.

Nyuma yo gukurwa kuri uwo mwanya, Trump yatangaje ko ari indi ntera (promotion) agejejweho. Mu mwaka ushize, uyu mugabo ukunda kurangwa n’udushya yatangaje ko imyitozo ya gisirikare yaherwe muri iryo shuri iruta kure ihabwa abasirikare basanzwe.

Uretse kuba umuhanga mu bya gisirikare, Trump yanigaragaje cyane mu mikino itandukanye yakinwaga muri icyo kigo, nka Basketball, umupira w’amaguru (soccer), kandi ngo yari n’umuhanga mu mikino yo kwiruka ku maguru.

Trump wabonye impamyabumenyi ya kaminuza mu bukungu yakuye mu ishuri rya Wharton School muri Kaminuza ya Pennsylvania mu 1968, afite imitungo yiganjemo imiturirwa ikomeye yamwitiriwe mu mijyi itandukanye muri iki gihugu.

Trump (ibumoso) n'abavandimwe be ubwo yari umwana muto
Trump (uwa kabiri ibumoso) ngo yashyikiranaga n'abana bagenzi be kandi b'ibitsina byombi
Muri New York Academy bamuhaye ipeti rya captain bitewe n'uko yitwaraga neza
Trump (imbere) yari akuriye abandi banyeshuri bigaga muri iryo shuri rya gisirikare
Trump (wa kabiri ibumoso) yagaragazaga ubuhanga mu bya gisirikare birimo no kwiyereka
Muri iryo shuri yigagamo, Trump (hagati) yakinaga na Basketball
Ngo yari azi no gukina umupira w'amaguru cyane
Trump yatsinze amatora benshi batamuha amahirwe
Trump yabonanye na Obama yavugaga ko atari umunyamerika

Kwamamaza

Kwamamaza
IZINDI NKURU WASOMA
Amafoto y’umunsi
2016-12-07 08:33:02
Amafoto y’umunsi
2016-11-29 10:54:45
Amafoto y’umunsi
2016-11-22 10:32:12
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved