Kwamamaza

Amafoto y’umunsi

Yanditswe kuya 8-11-2016 saa 11:37' na IGIHE


Uhuru Kenyatta ni Perezida wa kane wa Kenya, wabitorewe kuva mu 2013, aho yatsinze Raira Odinga bari bahanganye, n’ubu batavuga rumwe.

Kenyatta avuka ku mubyeyi nawe wayoboye iki gihugu ndetse ufatwa nk’umubyeyi wacyo, Jomo Kenyatta, kuva mu 1964 kugeza mu 1978, ubwo yitabaga Imana.

Uwavuga ko Perezida Kenyatta impano yo kuyobora yaba yarayikuye kuri se ntiyaba agiye kure y’ukuri kuko mu bwana bwe, ubwo se yari akiri ku butegetsi, yakundaga kumujyana mu nama zitandukanye yabaga yitabiriye ndetse n’igihe yabaga agiye kubonana n’abashyitsi bakomeye babaga bari kumwe.

Ibikorwa bya politiki Kenyatta asa n’uwabyinjiyemo cyane ubwo yahanganiraga intebe mu Nteko Ishinga Amategeko y’icyo gihugu yo guhagararira agace ka Gatundu y’Amajyepfo, gusa yatsinzwe n’umugeni Moses Mwihia.

Nyuma y’aho yagiye agirirwa icyizere agashingwa kuyobora ibigo bya Leta bitandukanye, mu Nteko Ishinga Amategeko, Muri Minisiteri y’Ubutegetsi bw’igihugu kugeza n’aho afatiye icyemezo cyo kwiyamamaza mu matora y’umukuru w’igihugu ya 2007 ahanganye na Mwai Kibaki, gusa nyuma yaje kwikuramo nyuma yo kubona ko atazayatsinda.

Aya matora asa n’aho atamuguye neza kuko nyuma y’uko akurikiwe n’imvururu zaguyemo abasaga 1000, Urukiko Mpuzamahanga Mpanabyaha,ICC, rwamushinje kugira uruhare muri izo mvururu, gusa muri Werurwe 2015, rwaje guhagarika ibyo kumukurikirana ruvuga ko rwabuze ibimenyetso bifatika bimuhamya ibyo byaha.

Uhuru ahagararanye n'ababyeyi be
Yakundaga kujyana na se mu nama zinyuranye yabaga yitabiriye
Mu 1966, Uhuru ari nase bakiraga uwari Perezida w'u Budage bw'u Burengerazuba Heinrich Lübke
Mu 1991, Uhuru Kenyatta yarushinze na Margaret Gakuo bari kumwe n'ubu
Aha yari mu bikorwa byo kwiyamamariza kuhagararira agace ka Gatundu y'Amajyepfo mu Nteko Ishinga Amategeko mu 1997
Yatorewe kuyobora Kenya mu 2013, asimbuye Mwai Kibaki (uwa kabiri ibumoso)
Kenyatta akunda kugaragara yidagaduranye n'ibyiciro bitandukanye by'abanyagihugu. Aha yari kumwe n'abanyeshuri
Muri Nzeri uyu mwaka, Kenyatta (ufite icupa mu ntoki) yagaragaye ari kurira muri resitora iciriritse iherereye mu isoko ryamwitiriwe i Nairobi

Kwamamaza

Kwamamaza
IZINDI NKURU WASOMA
Amafoto y’umunsi
2016-12-07 08:33:02
Amafoto y’umunsi
2016-11-29 10:54:45
Amafoto y’umunsi
2016-11-22 10:32:12
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved