Amafoto y’ubwiza bw’amacumbi yiswe Phoenix Plaza yazamuwe i Kanombe

Yanditswe na IGIHE
Kuya 2 Ukuboza 2019 saa 04:36
Yasuwe :
0 0

Ni inzozi za buri wese kubona aho aca ingando, akagira ubutaka bumwitirirwa bukaba gakondo ye mu bihe bizaza kuri we n’abazamukomokaho.

Kugira icumbi ribereye byifuzwa na benshi ndetse nta washidikanya ko abatari bake bahora bahihibikana ngo babigereho.

Mu Mujyi wa Kigali by’umwihariko umunsi ku wundi hazamurwa imiturirwa mishya irimo iyo gukoreramo ubushabitsi butandukanye ariko hakaba n’igenerwa guturwamo.

Icyerekezo cy’igihugu bitewe n’ingano y’ubutaka bwacyo, gituma inyubako zirangamirwa cyane ari izubatse mu midugudu aho abantu bagerwaho na serivisi n’ibikorwa remezo by’ibanze cyangwa izigeretse nka apartment zigira umwihariko w’ubwiza kandi ziri ku butaka buto.

Muri iri shoramari hari abashyizemo imbaraga barimo Ikigo Homart Goup kizobereye mu gutanga serivisi zo kubaka, gucunga no gucuruza amacumbi mu Rwanda no mu mahanga.

Muri Kigali kihafite Rose Garden na Elizabeth Golf Apartments ziherereye i Nyarutarama mu Karere ka Gasabo na Phoenix Plaza Apartment iri i Kanombe mu Murenge wa Nyarugunga mu Karere ka Kicukiro.

Phoenix Plaza yubatse ahateganye n’icyanya cyahariwe inganda i Masoro, ahazwi nko kuri 12, ku muhanda ugana i Masaka.

Ni amacumbi yubatse mu buryo bugezweho, afite ahantu ho kwidagadurira hari ubwogero [piscine], restaurant, iguriro rinini [Super market] n’aho gukorera imyitozo ngororamubiri [Gym] no kunanurira imitsi [spa].

Imiterere yayo ituma ashyirwamo ibikoresho by’ibanze nk’ibitanda n’utubati, frigo, amashyiga ya kizungu, ibikoresho by’aho barira [salle à manger], televiziyo nini, camera zicunga umutekano, parking zagutse, ibikoni bya kijyambere, televiziyo zigezweho n’ibindi.

Phoenix Plaza ifite imyubakire yihariye isanishwa n’iyo hanze aho usanga abantu batura mu nyubako zigerekeranye ariko serivisi zose zibari bugufi bitabasabye ingendo ndende.

Yubatse ku buso bwa hegitari imwe aho uyarimo aba yitegeye ubwiza bw’imisozi ya Kigali.

Izi nyubako ziri mu ntambwe nke uvuye ku Kibuga Mpuzamahanga cy’Indege cya Kigali i Kanombe kuko imodoka ihagenda iminota itanu.

Ni amacumbi yegereye umuhanda mugari aho ku buryo kuhagera byorohera abandi yaba ku batura n’abahakodesha. Ni hafi y’Ibitaro Bikuru bya Gisirikare, Legacy Clinic na Kigali Parents School.

Icyiciro cya mbere cy’aya macumbi kigizwe na apartments 11, zose zamaze kugurishwa. Kuri ubu hari kubakwa icyiciro cya kabiri mu gukomeza guhaza abatemberera muri Kigali bashaka aho kuba by’igihe gito n’abifuza kugura inzu z’inzozi zabo.

Aya macumbi ashyirwamo ibikoresho byose by'ibanze bikenerwa mu rugo
Ni inyubako iteye amabengeza kandi yubatswe mu buryo bugezweho
Ibyumba by'uruganiriro bitegurwa bijyanye n'igihe
Muri aya macumbi hashyirwamo televiziyo nini zifasha abayirimo kureba amakuru abamenyesha aho Isi igeze
Inyubako ya Phoenix Plaza yubatse mu buryo butuma itangiza ibidukikije
Inyubako zose zubatswe mu cyiciro cya mbere zaraguzwe. Agace zubatsemo kari mu turi guturwa cyane muri Kanombe
Buri kimwe cyose ugeze mu nzu ashaka serivisi zo gukodesha agisangamo
Aya macumbi ni meza kandi arahendutse
Phoenix Plaza imaze kuzamura izina mu kubaka amacumbi agezweho
Aya macumbi ashyirwamo ibikoresho by'ibanze byo mu rugo bishobora no kongerwa
Amacumbi afite ibikoresho by'ibanze birimo n'uburiri bugezweho
Phoenix Plaza mu bikorwa remezo yashyize hafi y'inyubako zayo ni ibijyanye na piscine aho abantu bashobora kuruhukira boga
Ni inyubako zubatse mu buryo bugerekeranye. Mu rwego rwo kubungabunga ibidukikije zazengurukijwe ibyatsi n'ibiti bitanga akayaga ku bazirimo
Parking yateganyijwe ni nini ku buryo ishobora kwakira imodoka nyinshi
Ifoto yo ku mugoroba igaragaza izuba rirengera hejuru y’inyubako za Phoenix Plaza ziri i Kanombe aho uba witegeye icyanya cyahariwe inganda i Masoro
Imiterere y'amacumbi ya Phoenix Plaza iyo uyarebeye hejuru mu kirere
Phoenix Plaza iri kubaka icyiciro cya kabiri cy'inyubako nyuma yuko izo mu cya mbere zose zaguzwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza