Kwamamaza

IGIHE yegukanye igihembo cy’igitangazamakuru kiza ku isonga mu bikorera kuri internet

Yanditswe kuya 8-11-2016 saa 11:24' na IGIHE


Mu bihembo bitangwa buri mwaka hahembwa abanyamakuru n’ibitangazamakuru byahize ibindi mu byiciro bitandukanye, IGIHE.com yegukanye umwanya wa mbere mu bitangazamakuru bikorera kuri internet (Online Media) mu Rwanda.

Ibi bihembo ngarukamwaka bizwi nka "Rwanda Development Journalism Awards 2016" byatanzwe ku mugoroba wo kuri uyu wa Mbere tariki 7 Ugushyingo 2016 n’Ikigo cy’Igihugu cy’Imiyoborere, RGB, ndetse n’Inama y’Igihugu y’Itangazamakuru, ifatanyije n’abandi bafatanyabikorwa batandukanye barimo n’Ishyirahamwe ry’Abanyamakuru mu Rwanda (ARJ).

Ni mu rwego rw’umunsi Nyafurika w’Itangazamakuru wizihijwe kuri uyu wa 7 Ugushyingo, hakaba kandi hari no mu muhango wo gusoza Inama ya munani y’Umushyikirano ku itangazamakuru.

Kuva mu myaka irindwi ishize kugeza magingo aya IGIHE.com iza ku isonga mu bitangazamakuru bikorera kuri internet mu gusurwa no kwifashishwa na benshi mu gihugu no hanze yacyo, hagendewe ku bipimo bigaragazwa na kompanyi z’Abanyamerika Alexa na Google.

Mu myaka 20 ishize, mu Rwanda hakoreraga radiyo zitarenga ebyiri na Televiziyo imwe rukumbi, ariko kuri ubu imibare iva mu Nama Nkuru y’Itanganzamakuru no mu Rwego rw’Abanyamakuru bigenzura (Rwanda Media Commission) igaragaraza ko mu Rwanda habarirwa radio 35, muri zo 27 akaba ari izigenga mu gihe iza leta zigera ku munani, Televiziyo ni 12 zirimo iya Leta ndetse n’izigenga, ibinyamakuru byandika ku mpapuro bikabakaba 45 n’imbuga za internet zirenga 100.

Ibihembo byatanzwe mu buryo bukurikira:

- Gutara inkuru y’igitangazamakuru cyandikirwa kuri internet: Ezechiel Mbananabo (IGIHE.com)

- Gutara inkuru ya Radio: Akimana Latifah (RBA)

- Gutara inkuru y’igitangazamakuru cyandikaku mpapuro : Frederic Byumvuhore (The NewTimes)

- Gutara inkuru ya Televiziyo: Mbabazi Dorothy (TV1)

- Inkuru icukumbuye kuri Radio: Hakizimana Malachie (KT Radio)

- Inkuru icukumbuye ku gitangazamakuru cyandika ku mpapuro: Gahigi Moses (The Eastafrican)

- Inkuru icukumbuye ku gitangazamakuru cyandika kuri internet : Karegeya Jean Baptiste (IGIHE.com)

- Inkuru y’amashusho: Nisingizwe Théoneste (Rwanda Television)

- Inkuru ya Radio: Yadusoneye Onesphore (Radio Ijwi ry’Ibyiringiro)

- Feature, Documentary and Magazine/TV: Ngoboka Ivan (Independent Newspaper)

- Feature, Documentary and Magazine/Online: Alain Billen (KT Press)

- Ikiganiro cya TV cy’umwaka :Imbonankubone (Celestin Ntawuyirushamaboko na Olivier Ngabirano kuri TV1)

- Video & Photo Journalism category/Motion: Aimable Hirwa na Ariste Shumbusho (Rwanda Television)

- Umunyamakuru w’umugore wahize abandi : Umutoni Carine (Rwanda Television)

- Umunyamakuru wa kabiri mu bagore: Mugisha Benigne (Imvaho Nshya Newspaper)

- Umunyamakuru uhiga abandi gusoma amakuru kuri radio : Jean Daniel Sindayigaya (Radio Rwanda)

- Ikinyamakuru gikunzwe kuruta ibindi byandikirwa kuri internet : IGIHE.com

- Radio y’abaturage ikunzwe kuruta izindi : Radio IZUBA

- Umunyamakuru urusha abandi gusoma amakuru kuri TV: Bienvenu Redemptus

- Radio ikunzwe kurusha izindi : Radio Rwanda

- Televiziyo ikunzwe kurusha izindi : TV1

- Umunyamakuru w’Umwaka: Carine Umutoni (Rwanda Television)

- Umunyamakuru urusha abandi ubunararibonye: Barore Cléophas (RBA)

Umwanditsi Mukuru wa IGIHE.com, Girinema Philbert niwe wakiriye igihembo cyahawe ikinyamakuru kiza ku isonga mu bikorera kuri internet
Girinema Philbert amaze gushyikirizwa igihembo
Byari ibyishimo ntagereranywa ku banyamakuru ba IGIHE.com. Uhereye iburyo(Thamimu Hakizimana, Mazimpaka Jean Pierre, Emma Marie Umurerwa, Girinema Philbert na Hagengimana Philbert)
Ibihembo byatanzwe
Bategura ibihembo mbere y'uko bitangwa
Ezechiel Mbananabo (wambaye ishati y'umweru) ashyikirizwa igihembo
Akimana Latifah ukorera RBA yahawe igihembo cyo gutara inkuru ya Radio
Uwafashe igihembo cya Mugisha Benigne ukorera Imvaho Nshya
Gahigi Moses wa The East African yegukanye igihembo cy'inkuru icukumbuye ku gitangazamakuru cyandika ku mpapuro
Karegeya Jean Baptiste wahembewe inkuru icukumbuye ku gitangazamakuru cyandika kuri internet
Umunyamakuru wa The NewTimes, Frederic Byumvuhore wahawe igihembo cyo gutara inkuru y’igitangazamakuru cyandika ku mpapuro

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved