Kwamamaza

Umusore yamuteye inda none yamwigaritse, aragisha inama

Yanditswe kuya 10-08-2016 saa 13:31' na IGIHE


Yakundanye n’umusore bamaranye imyaka ibiri, nyuma yamusabye ko bakora imibonano mpuzabitsina, aremera ariko bombi ntibibuka gukoresha agakingirizo nuko asama ubwo.

Kuri ubu ariko ngo bararebana ayingwe kuko umusore yamubwiye ko atari we uzi gutera inda wenyine.

“Nari nsanzwe njya kumusura iwe mu rugo mu Gatenga (mu Mujyi wa Kigali) umunsi umwe naramusuye imvura iragwa cyane, kwifata byaratunaniye dukora imibonano mpuzabitsina idakingiye. Nyuma y’iminsi naje gusanga yaranteye inda, mbimubwiye ararakara cyane ambwira ko atariwe uzi gutera inda wenyine.”

Uyu mukobwa ukomoka mu Ntara y’Amajyepfo avuga ko umusore ageze aho yanga kwitaba telefone.

Akomeza agira ati “Iwabo n’iwacu bari bazi ko tuzabana mu kwa 12 uyu mwaka, none ntiducana uwaka kubera ko namubwiye ko ibyo twakoze byagize ingaruka nkaba ntwite. Inda imaze kugira amezi atatu kandi kuva namubwira ko ntwite ntiyongeye no kunyitaba kuri telefone, nkoresha uko nshoboye ngo tuvugane akabyanga. Ubu nayobewe icyo nakora kuko iwacu nibabimenya bazanyica.”

Nk’uko akomeza abivuga, ngo n’ubwo uyu mukunzi we amubwira ko atari we uzi gutera inda wenyine, arigiza nkana ngo kuko ariwe wamwambuye ubusugi kandi nta wundi yigeze ahuza nawe urugwiro.

Uyu mukobwa avuga ko atifuza gukuramo iyi nda, ariko kandi ngo yaheze mu rungabangabo, kuko yabuze inzira azanyuramo abwira ababyeyi be ko uwari umukunzi we yamuteye inda none akaba yamwihakanye.

Umwanya ni uwanyu, mugire inama uyu mukobwa.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 30 Nzeri 2016
Copyright © 2009 -2014 - IGIHE Ltd - All Rights Reserved