Uburyo wavumbura ko umusore ukurambagiza mutazashobokana

Yanditswe na Umutoni Rosine
Kuya 26 Mutarama 2018 saa 08:17
Yasuwe :
0 0

Abahanga mu kugira inama imiryango ndetse no kurambagizanya, bavuga ko uburyo bwiza bwo kwirinda kuzatandukana n’uwo washatse ari ukumugenzura uhereye ku munsi wa mbere ukimubona.

Inkuru dukesha Huffington Post igaragaza ibintu bishobora kukwereka ko umugabo urimo kukurambagiza muzatandukana hadaciye kabiri igihe cyose utitaye ku mico wamubonanye.

-  Aba ari umuntu uvuga ibimwerekeyeho gusa

Umuhungu mutazarambana usanga aba ari umuntu wivuga akongera akivugaho, mbese ikiganiro akagihindura icya wenyine.

Umuntu muzarambana cyangwa mukagendana urugendo rw’ubuzima akenera kukumva no kugutega amatwi akifuza kugira ibyo akumenyaho.

Inzobere mu mibanire Amanda Deverich yatangaje ko iyo mico yo kwiharira ijambo wenda agatuma uvuga ari uko ugeregeje kumuca mu ijambo ariyo izakomeza kumuranga nimunabana.

-  Kuguhatira gusohokana nawe

Iyo umusore aguhatira ko musohokana akumva mwahora muri kumwe buri joro no mu birori byose yitabiriye nyamara mwagerayo akaba atanakubaza niba ukonje ngo agushakire icyo wifubika, ntuzategereze ko azabikora mu gihe muzaba mwarabanye.

Inzobere Jenny Applle yatangaje ko umugabo utakubaza niba ushonje, niba ukeneye akantu kihariye, niba ukeneye ikindi cyo kunywa uba ugomba kumenya ko ariko azahora.

Atanga inama ku bakobwa ko baba bagomba kwitonda bagatekereza uko biyumva iyo bari kumwe n’uwo mugabo. Ngo ibi bikunze gutuma abantu benshi bashakanye batandukana bitewe n’uko umwe muri bo aba yumva adakunzwe cyangwa adahabwa agaciro na mugenzi we kandi ndetse ngo abimugaragarize.

-  Kubeshya ibintu bitabayeho

Umuntu ukuganiriza akakubwira ko yatandukanye burundu n’uwo bashakanye kandi akubeshya wenda ari nk’umuntu bakundanye bakarekana, gutandukana kwanyu kuba kutazatinda.

Uba ukeneye umuntu mukundana ukeneye umufasha w’ukuri aho kuba ari umuntu ushaka uwo bazatandukana.

-  Gukabya cyane

Iyo ubona ko umuhungu cyangwa umugabo ukurambagiza afata umwanya we wose akubwira inkuru z’ubwiyemezi, amateka yanyuzemo, iterambere yagezeho n’ibindi byose byari bimugoye .Uwo muntu ufata umwanya we yivuga ntabwo aba ari umugabo muzima.

-  Umuntu udafite ikintu akunda kurusha ibindi

Kugira ibyo umuntu akunda ni ibintu by’ingenzi wenda nka ruhago cyangwa ikindi kintu kimushimisha ku rwego rwo hejuru.

Iyo ufite ibintu ukunda cyane n’umugore wawe nawe ashimishwa no kuba muzajya mubihuriramo hanze y’urugo rwanyu mukishimana.

Iyo bene ibyo bintu bihari usanga abashakanye bamarana igihe kinini kuko icyo umwe akunda n’undi ashiduka agikunda kandi kikabahuza. Iyo rero ntabyo usanga mwese mwabihiwe n’urukundo rukagenda rucyendera.

-  Nta kintu gishya atangiza

Nubwo wenda ku munsi wa mbere mutahita muganira ibintu byose, ariko mu biganiro by’umuntu ukunda akazi cyangwa ufite iterambere ateganya, uko biri kose ugira icyo wumvamo.

Ibyo byose byo kuba atari umuntu wiyemeza kandi ngo akubwize ukuri nk’umuntu ushaka ko mukomezanya urugendo, bikwereka ko atiteguye kuba yakubera umugabo w’ibihe byose.

-  Yemeza ko nta kibazo cy’ifaranga afite ariko ukishyura fagitire

Umuntu uvuga ko nta kibazo cy’amafaranga afite ko ibintu byose bigenda neza nyamara mwasangira akagusaba kwiyishyurira, uhita ubona uko mutazarambana.

Muhazaza hanyu buri wese arirya akimara, ubwo rero niba mudashyize hamwe mugitangira ngo yumve ko ibye aribyo byawe uba ugomba kumureka hakiri kare.

-  Kubaho uhatwa ibibazo aho kuganira

Umuhuro w’abakundana ntabwo ari igihe umwe yumva ko agiye guhatwa ibibazo, ni igihe umwe aba yisanzuye kandi yishimiye guhura na mugenzi we ngo baganire bishimanye.

Niba umukunzi wawe akubaza nkaho ari mu iperereza uba ukwiye kubona ko n’ubundi ari uko bizahora bikaba byazatuma mutandukana kubera kunanirwa kubyihanganira.

Nubwo nta wavuga ko ibi aribyo byonyine umuntu yashingiraho ariko burya umuntu mutazarambana uramubona, niyo wabyirengagiza.

Kumenya uwo muzabana mukarambana, ni kimwe mu bintu biba bikwiye kwitonderwa hagati y'abakundana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza