Kwamamaza

Uburyo butandatu bwagufasha kwivura ibikomere wagiriye mu rukundo

Yanditswe kuya 22-09-2016 saa 14:26' na Tombola Felicie


Ubuzima bw’urukundo bugenwa na nyirabwo, ariko rimwe na rimwe hari igihe atenguhwa ndetse agakomeretswa n’uwo yitaga umukunzi we, kandi yashyize mu bikorwa inshingano ze,kuvura inkovu y’ibi bikomere bigatwara igihe kitari gito.

Nta muntu ujya mu rukundo yifuza ko rumukomeretsa, buri wese aba yumva byamugendekera neza ariko n’iyo byanze ubuzima ntabwo buba burangiye, kuko ibyo bishobora kuvurwa bigakira ubuzima bugakomeza.

Nubwo ntawe ubyifuza ariko bijya bibaho,maze umuntu akisanga mu gahinda, mu ishavu ndetse umutima we wakomerekejwe n’uwo yita inshuti magara.

Urubuga Elcrema rwibanda ku nkuru z’urukundo rwatanze inama ndetse n’uburyo umuntu yakwitwara agakira ibikomere by’umutima yagiriye mu rukundo.

1.Wibigumana mu mutima, ahubwo nushaka urire uboroge cyane

Ikosa rimwe mu rukundo rishobora gutuma ukomereka umutima, ntabwo ayo amarangamutima ababaje uba ugomba kuyagumana, gerageza kuyasohora. Nushaka urire cyane ndetse uburoge ,ukore icyo wumva cyose cyatuma bisohoka bikakuvamo.

2.Biganirize inshuti zikwitaho

Biba byiza iyo wiyegereje inshuti zisanzwe zikwitaho nyuma yo gukomereka mu rukundo ukabibaganiriza.Si byiza kuguma wenyine igihe uri mu gahinda kameze gatyo, begere ubagishe inama bagufashe.

3. Iyiteho uko ushoboye

Nubwo bibaho umuntu akananirwa kurya no kunywa kubera agahinda ariko biba ari ngombwa kwiyitaho muri ibyo bihe. Iyo uri kumwe n’inshuti zawe bagufasha kutiyicisha inzara ahubwo bakakumenyera icyo ukeneye mu buzima.

4.Gerageza gukora siporo

Niyo waba usanzwe udakora siporo, ni byiza ko igihe ugize ibibazo bikugora watangira kwimenyereza gukora siporo. Kwimenyereza gukora imyitozo ni ingenzi kuko bigufasha gutakaza uburakari ndetse n’umujinya watewe n’ibyo bihe bigoye.

5. Jya kwidagadura n’inshuti

Kwikingirana ukanga kugera aho abandi bari birushaho gutuma ukomereka ndetse ukanaremba.Ni byiza ko usanga inshuti zawe mugakina, mugaseka, mugatembera bakakwibagiza ibyo bihe bigoye byakubayeho.

6. Shaka inshuti nshya ariko wirinde gusubira mu rukundo vuba

Nubwo guhura n’inshuti nshya bifasha guhindura ubuzima ndetse bikanakongerera icyizere, ni byiza ko uba uretse gusubira mu rukundo vuba.

Nubwo abantu bakira ibikomere mu bihe bitandukanye byibura umuntu aba agomba kurindira akamara nk’amezi atatu atarongera gukundana kuko intimba n’agahinda byatuma atitwara neza ku wo bagiye gukomezanya urukundo.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved