00:00:00 IGIHE NETWORK KN KINYARWANDA EN ENGLISH FR FRANCAIS

Nyandwi Saddam yasezeranye imbere y’amategeko (Amafoto)

Yanditswe na Eric Tony Ukurikiyimfura
Kuya 5 Ugushyingo 2021 saa 07:57
Yasuwe :
0 0

Myugariro w’iburyo muri Musanze FC, Nyandwi Saddam, yasezeranye imbere y’amategeko na Uwitonze Denise nyuma y’umwaka umwe amwambitse impeta y’urukundo.

Uyu muhango wabereye mu Murenge wa Nyakabanda, mu Karere ka Nyarugenge ku wa Kane tariki ya 4 Ugushyingo 2021.

Muri Nzeri 2020 ni bwo Nyandwi wakiniye Espoir FC na Rayon Sports, yambitse impeta y’urukundo Uwitonze, amusaba ko yazamubera umugore.

Bombi barasezerana mu idini ya Islam i Nyamirambo kwa Kadafi mu muhango uteganyijwe kuri uyu wa Gatanu mu gihe gusaba no gukwa bizaba ku wa Gatandatu, tariki ya 6 Ugushyingo 2021.

Nyandwi yakiniye Rayon Sports kuva mu 2017 ubwo yari avuye muri Espoir FC, ku masezerano y’imyaka ibiri yarangiye muri Nyakanga 2019 ariko ayivamo mu mpera z’uwo mwaka, ajya muri Musanze FC akinira kugeza ubu.

Yagiye gusezerana imbere y’amategeko nyuma y’umunsi umwe agaragaye mu mukino w’umunsi wa kabiri wa Shampiyona, aho ikipe ya Musanze FC akinira yatsinzwe na APR FC ibitego 2-0 ku wa Gatatu.

Uyu mukinnyi wageranye na Rayon Sports muri ¼ cya CAF Confederation Cup mu mwaka w’imikino wa 2018, yatwaranye na yo igikombe cya Shampiyona mu mwaka w’imikino wa 2018/19.

Muri 2017, Nyandwi yahamagawe inshuro ebyiri mu ikipe y’Igihugu ‘Amavubi’ yiteguraga imikino yo gushaka itike ya CHAN ya 2018.

Nyandwi Saddam ukinira Musanze FC, yasezeranye imbere y'amategeko na Uwitonze Denise
Nyandwi Saddam na Uwitonze Denise bifotoza nyuma yo gusezerana imbere y'amategeko
Nyandwi na Uwitonze barasezerana mu idini ya Islam kuri uyu wa Gatanu
Uwitonze yakundanye na Nyandwi Saddam ubwo uyu mukinnyi yari akiri muri Rayon Sports
Nyandwi Saddam akinira Musanze FC amazemo imyaka ibiri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .