Kwamamaza

Ingeri z’abantu bafite ibyago byinshi byo guca inyuma abo bashakanye

Yanditswe kuya 9-08-2016 saa 11:02' na IGIHE


Nubwo atari byiza namba guhemukira uwo mwashakanye, ntabwo wakwirengagiza kubivuga kuko bibaho cyane.

Ubushakashatsi bwagaragaje ko bitewe n’imiterere y’umuntu, akazi akora , abo akunze kuba ari kumwe nabo n’ubutunzi afite bishobora kumukururira kuba yaca inyuma uwo bashakanye kandi we atabyifitemo nk’ingeso.

Urubuga elcrema rwatangaje ingeri z’abantu bakunze guca inyuma abo bashakanye.

1. Abantu barebare

Uzasanga abantu benshi bakunda abantu barebare kurenza abagufi. Umuntu muremure akenshi aba afite imbaraga, agaragara neza mu bandi.

Kuba bakundwa n’abantu benshi ibyo bituma agira ibyago byinshi byo guca inyuma uwo bashakanye, akabikora atari ingeso, ahubwo yabishowemo.

Mu bushakashatsi bwanyujijwe ku rubuga rwandika inkuru z’abashakanye rwitwa Illicit Encounters, bwagaraje ko abantu bari hejuru ya metero imwe n’igice kuzamura bakunze guca inyuma abo bashakanye kurenza abatazifite.

2. Abagore bakennye

Ubushakashatsi bwerekanye ko abagore bakennye baca inyuma abo bashakanye inshuro enye kurenza abagabo banganya nabo ubukene (bari mu kigero kimwe mu bukene).

Impamvu zagaragajwe n’abahanga mu by’imitekerereze ya muntu , ngo ni uko ku bagore ubukene bubabuza amahoro no gutuza bakabura ibyishimo mu buzima bwabo, mu gihe abagabo bo bihangana bakabana nabwo.

3. Abigeze gucana inyuma

Bavuga ko ingwe itajya ihindura ubugondo bwayo ,aho wayisanga hose ikomeza kuba ingwe.

Kuba rero warashakanye n’umuntu wari usanzwe aryamana n’abandi, kuba yiswe umugore wawe cyangwa umugabo wawe ntibimwibagiza abo baryamanye mbere akaba yabasubiramo akaguca inyuma.

4. Abakoronijwe n’imbuga nkoranyambaga

Nk’uko inzobere mu bijyanye n’ibyikoranabuhanga , imyitwarire n’itumanaho zabigaragaje, ngo abirirwa ku mbuga nkoranyambaga baba bafite ibyago byinshi byo kuba baca inyuma abo bashakanye cyangwa bakaba bakwishobora mu busambanyi.

Bavuga ko n’ubundi iyo unyura mu nzira nyinshi cyangwa ukoresha imbuga nyinshi uhura n’abantu batandukanye harimo n’abakuyobya bagatuma waca inyuma uwo mwashakanye.

5. Abagabo bakize

Uko umugabo akize, niko yumva ko agomba kwinezeza bitewe nuko ubushobozi bwe.Ibyo rero bimukururira no guca inyuma uwo bashakanye kuko uwo ashatse wese aba yumva kumugeraho byoroshye kuko afite amafaranga.

Impamvu ni uko buri gihe, muri kamere y’abagabo, usanga umugabo aba yifuza kwereka umugore cyangwa igitsinagore bari kumwe ko ari umuntu ukize,urenze mu bushobozi.

Nubwo iyi inkuru igaragaza ingeri z’abafite ibyago byinshi byo guca inyuma abo bashakanye, Abanyarwanda bo bavuze ko kami ka muntu ari umutima we, bishatse kuvuga ko hari abashobora kubikora koko ariko hari n’abatabikora.

Guca inyuma uwo mwashakanye biramubabaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 25 September 2016
Copyright © 2009 -2014 - IGIHE Ltd - All Rights Reserved