Ibitangaje abahanga bagaragaza nk’izingiro ry’ibitekerezo bya muntu mu gukunda

Yanditswe na Habimana Jean Baptiste
Kuya 18 Mata 2017 saa 02:48
Yasuwe :
3 0

Nta cyiza nko gukunda no gukundwa n’uwo mubyumva kimwe, uguha agaciro imbere y’abandi akishimira kugaragaza ko ari wowe yihebeye mu magana y’abakobwa cyangwa abahungu bari ku Isi.

Urukundo nyarwo rusobanuye ibintu byinshi bishamikiye ku munezero, kugira neza, kutagira ishyari, kwihangana, kwiyoroshya n’ubucuti burambye. Umwanditsi wa Bibiliya we yararenzwe ashimangira ko ’Urukundo ruhebuje byose kuba ingenzi.’

Hari abahamya ko urumeze rutya kurubona bidapfa guhira buri wese, ahanini bishingiye ku byo bamwe bagenderaho biyemeza kugirana ubucuti.

Independent itangaza ko nyuma y’ubushakashatsi ku bijyanye n’imitekerereze ya muntu ku bijyanye no gukunda bwatanze ingingo zitandukanye zigenderwaho n’abashaka kwinjira mu rukundo. Hari abahirwa n’uru rugendo gusa imyitwarire imwe n’imwe ishobora gutuma uwo washakaga ko mwunga ubumwe agutera utwatsi rugikubita.

*Umuhati mu gushaka umukunzi

Inyigo yakozwe mu 2014, yagaragaje ko abagabo bagira umuhati wo gushaka inshuti kurusha abagore. Muri iki gikorwa bisaba ko abagabo biyemeza gushaka ubucuti n’uwo babengutse bahozaho. Gusa bigaragara ko iyo abagabo bashyizeho umuhati urenze birangira badakunze abagore nk’uko babyifuza.

*Akanyamuneza mu maso y’umuntu

Abagore bagaragaza akanyamuneza ku maso yabo bakunda kwigarurira imitima ya benshi, ariko ku bagabo siko bimeze.

Ubushakashatsi bwakorewe ku barenga ibihumbi 10, mu 2011, bwagaragaje amafoto y’abagabo n’abagore maze babazwa uko abayariho bagaragara.

Ibyavuye mu bushakashatsi, byagaragaje ko abagabo bakuruwe n’abagore bagaragazaga inseko ku mafoto yabo, mu gihe abagaragazaga ubwirasi bashyizwe mu murongo w’abadashamaje.

Abagore bo bakuruwe n’abagabo babaga bagaragaza ko bihagazeho, mu gihe abanyuzagamo bagaseka bagarutsweho nk’abatitabwaho cyane.

*Iyo umuntu asa n’inshuti yawe cyangwa uwo mwatandukanye

Abagore bita cyane ku bantu basa n’inshuti zabo kurusha uko abagabo babiha agaciro.

Inyigo yakozwe mu 2011, yagaragaje ko abagabo n’abagore bakururwa no mu maso hasa n’ah’abahoze ari inshuti zabo. Abagabo ariko bakururwa no mu maso hasa n’ah’abahoze ari inshuti zabo gake cyane ugereranyije n’abagore.

Imiterere y’inyuma h’umuntu yagaragajwe nk’ishingirwaho na benshi mu guhitamo inshuti. Bamwe muri aba bakundana bavuze ko bashingiye ku buryo inshuti zabo zisa mu maso mu guhitamo.

*Gukoresha ibimenyetso byo mu biganza

Ibyavuye mu nyigo yakozwe muri 2016 yagaragaje ko abagabo n’abagore bifuzaga abahoze ari inshuti zabo, zabakozagaho ibiganza mu gihe cyo kuganira, kuruta ababaga biyicariye gusa. Bigaragara kandi ko iyo umuntu aganira n’undi amukorakora, bizamura ibyiyumviro by’umuntu.

Ubushakashatsi bwagaragaje ko gukorakoranaho nabyo bishobora kongera urukundo hagati y'umukobwa n'umusore

*Imyitwarire nk’iy’uwo ushaka kugira inshuti

Ubushakashatsi bwakozwe mu myaka yashize bwerekana ko iyo abakundana bafite imyitwarire imeze kimwe, biborohera mu rukundo rwabo umunsi ku wundi.

Iyo umuntu akunda guhanga amaso uwo ashaka kugira inshuti, bikingurira amarembo imbamutima z’umuntu. Iyo mukunda guhuza amaso mukamara iminota nk’ibiri nibura, bishobora gutuma urukundo ruza kabone n’ubwo mwaba mutarigeze muhura bwa mbere.

Umuhanga mu bijyanye n’imitekerereze muri Kaminuza ya Massachusetts, Joan Kellerman, yabajije abantu 72 bari basanzwe bataziranye kurebana mu maso mu gihe cy’iminota ibiri.

Mu bisubizo bagaragaje ko nyuma iki gikorwa cyazamuye igipimo cyo kwiyumvanamo hagati yabo.

Kumara igihe kirekire urebana mu maso n'umuntu bishobora gutuma murushaho kwiyumvanamo cyane

*Iyo umuntu agusuhuje ukamwikirizanya ubwitonzi

Uko umuntu asuhuza mugenzi we, n’uko undi amwikiriza bakisanzuranaho bifasha mu kuzamura urukundo.

Umushakashatsi John Gottman yavuze ko iyo umuntu asuhuje mugenzi we amugaragariza urukundo, bibafasha bombi.

Ubushakashatsi yakoze bwagaragaje ko ingo zasenyutse mu gihe cy’amezi atandatu zishinzwe basuhuzanyaga inshuro zingana na 33%, mu gihe nibura abashakanye bakoresha ubu buryo ku gipimo cya 87% , urukundo rwabo rwarambye.

*Kugira impumuro nziza

Impumuro y’amavuta umuntu yisiga ndetse n’umubavu yitera, bishobora kugira uruhare mu kwigarurira umutima wa mugenzi we akumva aguwe neza. Uyu si umwihariko ku ruhande runaka kuko abantu bose bashobora gukururwa nabyo.

Inyigo yakozwe na Kaminuza iherereye mu Majyepfo ya California, yagaragaje ko benshi mu bagore bishimira kumva impumuro y’icyuya mu myenda y’abagabo.

*Iyo umuntu ajya gusa n’umwe mu babyeyi b’uwo ashaka kugira incuti

David Perrett, Umushakashatsi n’impuguke mu by’imitekerereze muri Kaminuza ya St. Andrews na bagenzi be, bagaragaje ko kuba umuntu afite amaso cyangwa umusatsi bisa n’iby’umubyeyi w’uwo ashaka kugira inshuti, bishobora kuzamura urukundo.

Abahanga bagaragaza ko ibyiyumviro by'urukundo bishibuka ku bintu bitandukanye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244