Kwamamaza

Impamvu zishobora gutuma hari amabanga abagabo batabwira abagore babo

Yanditswe kuya 9-09-2016 saa 11:01' na IGIHE


Ubusanzwe abashakanye bisanzuranaho ndetse bakavugana ikintu cyose nk’inshuti magara, gusa hari ubwo abagabo bahitamo kwicecekera bakagumana amabanga batabwiye abagore babo kubera kwirinda ingaruka zavuka nyuma.

Urubuga elcrema rutangaza zimwe mu mpamvu zishobora gutuma abagabo batabwira amabanga abagabo babo.

1. Abagabo ntibakunda kujya impaka n’abagore babo

Inshuro nyinshi usanga umugabo aba atifuza impaka hagati ye n’umugore we,iyo rero abona ko kubwira umugore we ibanga byazana impaka arabyihorera akabigumana.

2.Kwanga kubabaza umugore

Bitewe n’uko abagore bagira amarangamutima hafi kandi barakazwa n’ubusa, hari ubwo umugabo yanga kumubwira ikintu runaka yamenye kugira ngo kitamubabaza.

Nk’urugero hari nk’ubwo umugabo afata umwanzuro wo kujya afatira amafunguro muri resitora akanga kurya iwe bitewe n’uko umugore we atazi guteka ariko akaba adashobora kubimubwira kuko yanga ko yabyakira nabi.

3. Kuba umugabo ataba yizeye igisubizo ari buhabwe

Rimwe na rimwe usanga umugabo aba atizeye igisubizo ari buhabwe igihe abwiye umugore we ikintu kidashimishije cyamubayeho cyangwa cyabaye muri rusange ku muryango wose.

Iyo umugabo atizeye igisubizo cy’umugore we cyangwa aziko atihangana hari amabanga ahitamo kumuhisha kugira ngo umutekano uboneke.

4. Kuba umugabo atisanzura ku mugore we

Bibaho ko umugabo yumva atisanzuye ku mugore we ugasanga ntibavugana utuntu twose.Iyo bimeze bityo, amabanga amubwira ari hafi ya ntayo kuko uko kutamwisanzuraho bituma yumva atari inshuti ye magara.Icyo gihe umugabo agira amabanga ye no ku mugore bikaba uko,ntihagire uwakura undi.

5. Hari ubwo ibanga riba ryasuzuguza umugabo

Uzasanga umugabo abika ibanga bitewe n’imiterere yaryo,hari ubwo yumva ko kuba yabwira ikintu runaka umugore we, bishobora kumukoraho ndetse bikamusuzuguza kurusha kubireka akicecekera.

Niba ubona umugabo wawe hari ibyo aguhisha,ujye umenya ko hari zimwe muri izi mpamvu zibitera nubwo hari izindi nyinshi tutavuze.

Rimwe na rimwe umugabo n'umugore bahishanya amabanga(Ifoto yakuwe kuri internet)

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved