Impamvu simusiga zagufasha gutahura umukunzi utakwitaho

Yanditswe na Bizimana Jonathan
Kuya 10 Gashyantare 2018 saa 09:44
Yasuwe :
0 0

Urukundo ruza imbere mu bitera umunezero w’ubuzima ndetse biba akarusho iyo ufite uwo mujya inama mugahuriza hamwe ku ntego ishimangira inzira murimo.

Abahuye n’abishushanya mu rukundo bagira ibikomere bitapfa komorwa n’ubonetse wese kubera uburemere bwabyo.

Abahanga mu by’imibanire bagaragaza ko hari ibimenyetso bishobora kwereka umukobwa ko umuhungu nta gahunda y’igihe kirekire amufiteho ndetse ibyo kuba yamushyira mu rugo ngo amubere nyina w’abana biri kure nk’ukwezi.

Metro yatangaje ko hari imyitwarire ishushanya ko umuhungu agucenga yishakira ubucuti bwo kuryoshya by’igihe gito yatuma umwirinda cyangwa ukamenya uko umwitwaraho.

-  Gukunda guhora mu kabari

Iyo umuhungu mukundana yibera mu kabari uzagire amakenga. Hari abagira imyitwarire idahwitse ku buryo hari ubwo azashaka ko mukorera imibonano mpuzabitsina mu kabari atitaye ku bantu babahanze amaso.

-  Gukunda gukoranaho cyane

Igikorwa cyo gukoranaho ku bantu bakundana ni byiza cyane, gusa umuhungu mukundana nashaka kugukoraho cyane mwagiye nko mu birori runaka kugeza ubwo anashaka gukora ku myanya y’ibanga ni byiza ko umugendera kure.

- Ntiyita kumenya aho ukora

Mu gihe umuhungu muri mu rukundo nta biganiro byinshi mugirana, icyo aba ashaka gusa ni uko muhurira mu mashuka. Rimwe na rimwe unamusaba ubucuti kuri Facebook, ntabukwemerere kandi ahora kuri internet.

-  Akubaza niba utari mu mihango mbere y’uko umusura

Iyo mufitanye gahunda yo guhura cyane cyane uri bumusure, araguhamagara akakubaza niba uri imugongo, wamwemerera akakubwira ko atari kuboneka. Iki kibazo ahanini kibazwa n’umuntu ufite gahunda yo gukora imibonano mpuzabitsina ndetse wamaze kubitegura.

-  Iyo urwaye akuvugisha kuri telefone wumva atakwitayeho

Urukundo rukomezwa no kwemera kubana mu byago no mu munezero. Umuhungu utagufiteho gahunda aguhamagara mu gicuku ku buryo kubona yakuvugishije ku manywa biba ari igitangaza.

Uyu ntanakwandikira ubutumwa bugufi uretse ubwo kukubaza uko mwahura ngo mwishimishe.

-  Ntakwerekana mu nshuti ze n’umuryango

Umuntu umeze gutya uzasanga yirinda ko inshuti ze zasanga muri kumwe, ndetse ntihagire n’umuntu wo mu muryango we akwereka. Ni we uba uzi gusa.

Iyo aramutse aguhaye impano, witega ko uzayishyura mu buryo bw’imibonano mpuzabitsina nta rundi rukundo aba agufitiye.

-  Ntiyifuza ko muhuza amaso iyo muri mu gitanda

Kubera guhora agukoresha imibonano mpuzabitsina, bigeraho akumva atifuza kukureba mu maso igihe muri kuyikora, ndetse ntanababazwe n’uko wayikoranye n’abandi bantu.

Hari n’igihe azana zimwe mu nshuti ze bose bashaka kugusambanya, wabyanga bikamubabaza akagufata nk’uwanze kuzishimisha. Abameze gutya hari n’ubwo bajya gutereta abandi bakobwa bumva ko ntacyo bibabwiye kuba abo bakundana babimenya.

Iyi mico si kamara mu kugaragaza umuntu utagufiteho gahunda y’igihe kirekire gusa ni bimwe mu bimenyetso bishimangira ko nta cyizere cyo kurwubaka ngo rukomere.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza