00:00:00 IGIHE NETWORK KN KINYARWANDA EN ENGLISH FR FRANCAIS

Icyishatse Hervé ukinira REG BBC yasezeranye imbere y’amategeko (Amafoto)

Yanditswe na Eric Tony Ukurikiyimfura
Kuya 5 Ugushyingo 2021 saa 07:32
Yasuwe :
0 0

Icyishatse Hervé ukinira REG BBC yasezeranye imbere y’amategeko na Niwenshuti Mignone yari aherutse kwambika impeta y’urukundo.

Uyu muhango wabereye mu Murenge wa Kimihurura mu Karere ka Gasabo ku wa Kane, tariki ya 4 Ugushyingo 2021.

Icyishatse yasezeranye na Niwenshuti Mignone mu gihe yari yamwambitse impeta y’urukundo ku Cyumweru, tariki ya 31 Ukwakira 2021.

Aba bombi bamaze imyaka hafi ine bakundana, bazasezena imbere y’Imana ku wa 18 Ukuboza 2021 ari nabwo hazaba umuhango wo gusaba no gukwa.

Icyishatse ukina asatira muri REG BBC, ni umwe mu bayifashije kwegukana Igikombe cya Shampiyona ya Basketball mu mpera z’ukwezi gushize, itsinze Patriots BBC imikino 2-0 muri play-offs.

Uyu mukinnyi w’imyaka 27, abarizwa muri iyi kipe ya Sosiyete y’Igihugu ishinzwe Ingufu guhera mu mwaka w’imikino wa 2017/18 nyuma yo kuyigeramo avuye muri IPRC Huye BBC.

Yatangiye gukina Basketball yitoreza ku kibuga cya Kimisagara mbere yo kwerekeza mu Ikipe ya 30 Plus yazamukiyemo mu 2014.

Muri uwo mwaka ni bwo yerekeje mu Ishuri rya RP-IPRC Huye, arikinira imyaka itatu mbere yo kwerekeza muri REG BBC amazemo imyaka ine.

Icyishatse Hervé yasezeranye na Niwenshuti Mignone ku wa Kane
Niwenshuti arahirira kuzabana na Icyishatse akaramata
Bombi basinyiye indahiro bakoze
Icyishatse Hervé akinira REG BBC iheruka kwegukana Shampiyona ya Basketball
Ubukwe bwa Icyishatse na Niwenshuti buzaba ku wa 18 Ukuboza 2021
Icyishatse na Niwenshuti bamaze hafi imyaka ine bakundana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .