Kwamamaza

Ibyo ukwiye kuzirikana igihe uri gutegura ubukwe

Yanditswe kuya 30-10-2016 saa 10:20' na Mukaneza M.Ange


Ubukwe ni umwe mu minsi mikuru ikomeye kandi ifite agaciro mu buzima bwa muntu by’umwihariko hagati y’abantu baba basezeranye kubana akaramata.

Uburemere bw’uyu munsi butuma no mu itegurwa ryawo hari byinshi bikwiye kwitabwaho dore ko akenshi abantu bawufata nk’indorerwamo y’uburyo urugo rushya ruzaba rumeze.

Urubuga El Crema rutanga inama ku rukundo n’imibanire y’abantu rwakusanyije bimwe mu bintu abantu bari gutegura ubukwe bakwiye kwitaho birenze kugira ibirori byiza kandi bihenze.

1. Tegura ubukwe bujyanye n’amafaranga ufite

Nyuma yo kwemeranya kurushinga hakurikiraho gutekereza uko ubukwe bwanyu buzaba bumeze n’ibizakenerwa byose.

Icya mbere mukwiye kwirinda ni ukwishyira mu kaga mutegura ubukwe burenze amafaranga mwateganyije kugira ngo inshuti n’abavandimwe basigare babatangarira.

Muzirikane ko ubuzima bwanyu nyabwo butangira nyuma y’ibirori by’ubukwe kandi muzakenera amafaranga kugira ngo mubashe kubaho. Gukoresha amafaranga menshi mu birori by’ubukwe bituma iminsi ukurikiyeho mubaho mu bukene ndetse mugatangira kwicuza.

2. Zirikana ko ubukwe bwiza budasobanuye urugo rwiza

Kugira ubukwe bwiza, gahunda zose zikagenda uko mwaziteguye ntaho bihurira no kuba urugo rwanyu ruzaba rwiza rukabasha kuramba.

Ubukwe ni ibirori byo kwishimira urugendo rushya muba mugiye gutangira, kuba bwabaye bwiza ntibizatume mwicara ngo mureke guharanira icyatuma n’ubuzima bwanyu mwembi burushaho kuba bwiza.

3. Ishime bishoboka

Kimwe mu bintu ukwiye kuzirikana ku munsi w’ubukwe bwawe ni ukwishima mu buryo bwose bushoboka, kuko n’ibirori biba rimwe mu buzima.
Byina uko bishoboka, seka uko bishoboka, kora ibishoboka byose ku buryo igihe uzajya utekereza kuri uwo munsi uzajya wongera kwishima.

4. Ibyishimo mu rugo rwanyu bigire intego

Nk’uko uharanira ko ku munsi w’ubukwe bwanyu ibyishimo n’umunezero bizaba ari byose, ihe intego ko biba iby’iteka aho kuba umunsi umwe.

Muri gahunda zawe shyiramo ko ibyishimo bitazigera bikendera, yego bizagusaba imbaraga, umwanya n’ubwitange bwinshi, ariko itegure guharanira kubigeraho.

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved