Kwamamaza

Ibintu bine abagore bakunze guhisha abagabo babo

Yanditswe kuya 6-08-2016 saa 15:11' na Elias Hakizimana


Ubusanzwe iyo umaze kwambikana impeta n’uwo ukunda, musezerana ko ibyawe biba ibye, nawe ibye bikaba ibyawe.

Nkuko tubikesha urubuga self.com, ngo nubwo ari indahiro, akenshi yubahirizwa kuko hari abagore bagerageza guhisha abagabo babo kabone nubwo baba baramaze kuba umubiri umwe.N’abagabo bibabaho ariko uyu munsi turareba ku bagore.

1. Ibijyanye n’ubuzima bwite bwabo

Niba umugore yibonyeho ikintu kidasanzwe ku mubiri nk’uburwayi, bushobora kugaragarira nabi umugabo we, urugero nk’akabyimba ku ibere agerageza kubihisha umugabo rimwe na rimwe ntagaragaze akababaro afite.

Kristen Carpenter, impuguke mu by’ubuzima bwo mu mutwe akaba n’umuyobozi ushinzwe ubuzima bw’imyitwarire y’abagore muri Leta ya Ohio muri Amerika agira ati " abagore bakunze guhisha abagabo ububabare bwabo kugirango batabababaza cyane kurusha, nanone babikora iyo babona ko biri bugire akamaro kurenza uko babibahishurira.”

Uyu muganga avuga ko uku guceceka ku bagore bagahisha ububabare bafite atari byiza.

2. Ibibazo mu mibanire

Jodie Voth, umuganga muri Canada avuga ko akenshi uzasanga umugore n’umugabo basiganira aho kuba iyo bataragira abana, n’utundi tubazo nk’utwo.

Ngo usanga kubera uko kutumvikana, hari ubwo bituma umugore yishimira gukora ibintu byose atabwiye umugabo, umugore akajya nko kwa muganga wenyine atabwiye umugabo ko yarwaye.

Voth avuga ko kenshi kugira umwihariko mu byo ukora atari bibi ariko akagira ati “ kugira ngo wubake icyizere ku mugabo wawe, ni ngombwa ko umubwira ibyakubayeho byose”.

3.Ibimushimisha mu mibonano mpuzabitsina

Carpenter avuga ko buri gihe yakira mu biro bye abagore bavuga ko batajya na rimwe banyurwa n’abagabo babo. Ati “abagore ntibakunze kubwira abagabo babo ibyo batishimiye mu gihe cy’imibinano mpuzabitsina.”

Kenshi abagore bakunze kugira urwikekwe rwo kubwira abagabo ibyo badakunda muri iki gikorwa, nyamara uyu muganga asaba abagore n’abagabo kujya babiganiraho.

Ati “ iyi ni ingingo isaba gutekerezaho cyane kandi abagore bagira ubwoba bwo gukomeretsa amarangamutima y’umugabo, niyo mpamvu nkunda kubwira abagore kuganiriza iyi ngingo abagabo, mukabiganiraho mwitonze ukamubwira ibyo ukunda n’ibyo udakunda.”

4. Amakuru ya konti zabo za banki

Tomanika Witherspoon, impuguke mu by’ubuzima bwo mu mutwe avuga ko abagore batajya bapfa kubwira abagabo amakuru ya konti zabo za banki.

Kenshi ngo ibi bikunze kubaho mu gihe umubano w’umugore n’umugabo urimo gucumbagira.

Tomanika ngo asanga uku guhisha konti biha umugore umutekano ku mafaranga ye, ariko nanone bigatuma umugabo akeka ko anyereza umutungo rusange wo mu rugo.

Ati “Ni byiza ko ubanza ukabitekerezaho mbere yo gufata umwanzuro wo guhisha konti yawe umugabo."


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 25 September 2016
Copyright © 2009 -2014 - IGIHE Ltd - All Rights Reserved