Iri rushanwa ryasojwe kuri uyu wa 11 Gashyantare 2016 saa sita z’amanywa, ryitabiriwe n’abasaga mirongo itandatu(60) aho bagiye badusangiza amateka y’urugendo rw’urukundo rwabo.

Izo nkuru zose siko zashyizwe kuri uru rubuga kuko harimo izitari zubahirije ibisabwa. Kugira ngo inkuru yemerwe, yagombaga kuba ari umwimerere, yoherejwe muri “format” ya “word” ndetse itarengeje amagambo igihumbi. Inkuru eshatu za mbere zizatangazwa ku wa Gatanu tariki ya 12 Gashyantare.

Mu gutanga amanota ku nkuru hibandwa cyane ku buryo yanditsemo. Ni ukuvuga urukurikirane rw’ibitekerezo; ubutumwa buyirimo n’uburyohe umwanditsi yagerageje gushyira mu nkuru ye.

Iri rushanwa ryatewe inkunga n’ ibigo, amaduka, hoteli na restaurants zitandukanye.

RwandAir
Nka sosiyete ikora ingendo zo mu kirere, yatanze amatike abiri y’indege yo kujya Dubai. Ku bitabiriye irushanwa batazagira amahirwe yo gutsinda n’abandi bose muri rusange batitabiriye irushanwa, mu rwego rwo kwizihiza umunsi mukuru w’abakundana, RwandAir yagabanyije ibiciro by’ingendo z’indege mu kwezi kwa Gashyantare kose kugira ngo abifuza gutemberana n’abakunzi babo hanze y’u Rwanda boroherezwe.

RwandAir yagabanyije ibiciro by'ingendo z'indege mu kwezi kwa Gashyantare kose

The Manor Hotel

Nk’umuterankunga w’iri rushanwa na yo yatanze amahirwe ku batazagira icyo begukana mu bihembo yateganyije [ijoro rimwe mu cyumba cyaho riherekejwe n’amafunguro ya mu gitondo n’abonnement na Gym na piscine mu gihe cy’ukwezi], bashobora gusohokana abakunzi babo bakaryoherwa n’ibyo iyi hoteli yateguye ku munsi w’abakundana.

Igikorwa cyateguwe na The Manor Hotel ku munsi wa St Valentin

Kimwe mu byumba bya The Manor Hotel izahemba abatsinze

Great Seasons Hotel

Yatanze ifunguro rya nimugoroba kuri couple imwe ndetse na abonnement y’amezi atatu ya piscine yabo nziza. Uretse iki gihembo kandi, ku bifuza ahantu basohokera kuri St Valentin, bashobora kujyayo bagahabwa amafunguro ya babiri aherekejwe n’ibirahuri bibiri bya Divayi, ku mafaranga ibihumbi cumi n’umunani gusa( 18,000 Rwf) banasusurutswa na Prestige Live Band.

Piscine ya Great Seasons Hotel, aho couple imwe mu zatsinze izamara amezi atatu yogera

Igikorwa cyateguwe na Great Seasons Hotel ku munsi w'abakundana

The Mirror Hotel

Izatanga ibihembo birimo massage n’ijoro rimwe mu cyumba cy’iyi hoteli. Si ibyo gusa kuko no ku bandi bataritabiriye iri rushanwa, bashobora kuhasohokera ku munsi w’abakundanye bagatsindira ibihembo birimo amajoro abiri muri iyi hoteli, sauna na massage mu gihe cy’ukwezi, gusohokera muri Class Club (Night Club yabo) mu gihe cy’ukwezi ku buntu n’ibindi byinshi.

The Mirror Hotel izatanga ibihembo birimo massage n'ijoro rimwe mu cyumba cyaho

The Mirror Hotel yateguriye impano abazahasohokera ku munsi wa St Valentin

Hotel Villa Porto Fino

Izagenera amafunguro ya couple imwe mu zizatsinda ndetse banarare mu cyumba cyaho cyiza banahabwe ifunguro rya mu gitondo.

Kimwe mu byumba bya Villa Portofino Hotel izahemba abatsinze

Nubwo nta kintu cyihariye bateguye ku munsi w’abakundana, Hotel Villa Porto Fino mu bwiza bwayo n’ubuhanga bw’abakora mu gikoni cyaho, ni hamwe mu hantu wasohokana umukunzi mukahagirira ibihe byiza bitazibagirana dore ko iherereye mu gace gatuje i Nyarutarama.

Hotel Villa Porto Fino naho ni hamwe mu hantu hatuje wasohokana umukunzi kuri St Valentin

Galaxy Hotel

Yageneye bamwe mu bazatsinda irushanwa amafunguro ya nimugoroba ndetse n’ijoro rimwe mu cyumba cyaho bakanahabwa amafunguro ya mugitondo. Iyi hotel nayo nta kintu cyihariye yateguye ku munsi wa St. Valentin, ariko uwahasohokeye nibura rimwe azi neza ubwiza n’umutuzo biranga restaurant y’iyi Hotel, aho ushobora gufata amafunguro wegereye piscine, waba udakunda akayaga ukayoborwa ahandi hitaruye gato maze mukagira ibihe byiza wowe n’umukunzi mwiganirira ku rukundo rwanyu munaryoherwa n’amafunguro aryoshye ndetse n’icyo kunywa mwihitiyemo.

Galaxy Hotel, hamwe mu hantu wasohokana umukunzi wawe kuri St Valentin

Kimwe mu byumba bya Galaxy Hotel izahemba abatsinze

Restaurant Trattoria

Izagena ifunguro rya nimugoroba riherekejwe na Divayi bigenewe couples ebyiri mu zizatsinda.

Iyi restaurant ihora ifite agashya ku munsi wa St Valentin, ku bantu bifuza aho bazasohokera, ni ahantu heza ho kujyana umukunzi ku munsi nk’uyu w’amateka.

Restaurant Trattoria, ahantu heza ukwiye gusohokana umukunzi wawe kuri St Valentin

InkStain mu buhanga bwayo mu bugeni, bazashushanya ifoto y’imwe muri couples zizatsinda iri rushanwa. Si kuri St Valentin gusa umuntu aha impano uwo akunda, igihe cyose wagira igitekerezo cyo gutanga "portrait" wabegera bakagufasha.

Igishushanyo cya Daddy de Maximo Mwicira Mitali cyakozwe na InkStain

Mu bindi hari KONKA Group bazatanga mixer, telefoni KONKA W550 ndetse na K Box na La Ceremoniale izatanga imwe muri tableaux nziza igurisha.