Amafoto utabonye y’ubukwe bwa Usengimana Faustin na Daniella Bayingana

Yanditswe na Eric Tony Ukurikiyimfura
Kuya 12 Ugushyingo 2019 saa 11:36
Yasuwe :
0 0

Ku wa Gatandatu w’icyumweru gishize, tariki ya 9 Ugushyingo 2019, ni bwo myugariro w’Ikipe y’Igihugu ‘Amavubi’ na Buildcon FC yo muri Zambia, Usengimana Faustin, yasabye ndetse anakwa Daniella Bayingana bamaze imyaka 10 bakundana.

Uyu muhango wo gusaba no gukwa wabereye mu Busitani bwa Kaminuza ya UTB Ishami rya Rubavu, aho uyu mukobwa avuka.

Ku wa Gatanu, tariki ya 15 Ugushyingo 2019 ni bwo aba bombi bazasezerana imbere y’amategeko mu Murenge wa Kimironko mu Karere ka Gasabo mu gihe bazasezerana imbere y’Imana bukeye bwaho muri Parkland Remera.

Usengimana w’imyaka 25 yatangiye gukundana na Daniella mu 2009, bivuze ko aba bombi bamaranye imyaka 10 bari mu rukundo, ibidakunze kugaragara mu byamamare yaba hano mu Rwanda n’i mahanga.

Abakurikirana imbuga nkoranyambaga za Usengimana n’umukunzi we, ntibahwema kubona iby’urukundo rwabo cyane ko usanga buri umwe adahisha kwerekana ko yanyuzwe n’ubuzima babanyemo.

Babigaragazaga bifashishije amafoto berekanaga aherekejwe n’amagambo aryohereye cyane aranga abari mu rukundo. Aba bombi kandi bahuriye ku mpakanizi igira iti #TEAM15FORLife, ijambo bakunda gukoresha bombi ku mbuga nkoranyamabaga zabo.

Usengimana Faustin yakiniye amakipe atandukanye mu Rwanda arimo Rayon Sports yanazamukiyemo na APR FC, aha hose akaba yaragiye atwara ibikombe.

Ari mu itsinda ry’abakinnyi Rayon Sports yifashishije ikora amateka yo kugera mu matsinda mu irushanwa rya CAF Confederations Cup mu 2018.

Usengimana Faustin kandi yanakiniye Ikipe y’Igihugu mu byiciro byose yaba iy’Abatarengeje imyaka 17 yakinnye Igikombe cy’Isi muiri Mexique, iy’Abatarengeje imyaka 20 na 23 n’Ikipe y’Igihugu Nkuru.

Kuri ubu abarizwa muri Zambia muri Buildcon FC, akaba ari no mu mu bakinnyi b’inkingi za mwamba muri iyi kipe.

Abasore bari bambariye Usengimana Faustin ubwo yajyaga gusaba umugeni ku wa Gatandatu
Usengimana Faustin yasabye Bayingana Daniella mu muhango wabereye i Rubavu
Usengimana Faustin yishimiye guhabwa umukunzi we bamaranye imyaka 10
Usengimana yahaye umukunzi we impano nk'ikimenyetso kigaragaza urukundo amufitiye
Aba bombi bari bafite akanyamuneza ku maso
Usengimana Faustin yambika impeta Bayingana Daniella
Bayingana Daniella na Usengimana Faustin bazereka kandi ababyeyi ibirori mu mpera z'iki cyumweru
Ati 'Hindukira ngusome ku itama dore ababyeyi babyemeye babihesha umugisha...'

Amafoto: Perfect Creation


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza