Yabeshye ko ari imfubyi yamaririje bucyeye avuga ko yapfushije nyina

Yanditswe na

Emma-Marie Umurerwa

Kuya 2 Kamena 2016 saa 07:04
Yasuwe :
0 0

Umukobwa uri mu kigero cy’imyaka 28 yabwiye bagenzi ko nta babyeyi agira bagahora baterateranya amafaranga yo kumufasha bucyeye ababwira ko yapfushije nyina bagwa mu kantu.

“Yatangiye kuvuga ko ari imfubyi yiga mu mashuri yisumbuye, tukamufasha uko dushoboye, tukamuha amavuta, amasabune n’ibindi bikoresho twabaga twakuye iwacu, hari n’abajyaga bamuha imyenda yo kwambara. Twagize amahirwe dukomezanya muri kaminuza naho biba uko, ariko igiteye urujijo nuko nta munyeshuri n’umwe yajyaga yemerera kumusura, ahubwo yavugaga ko aba mu muryango utamukunda.”

Ibi ni ibyatangajwe na bamwe mu biganye n’uyu mukobwa tutari butangaze amazina nk’uko bagenzi be babyifuje.

Kuuri group ya whatsapp ihuriweho n’abantu basaga 80, uyu mukobwa wari usanzwe uzwi nk’utagira ababyeyi, abantu bakamwihanganisha bakanamufasha uko bashoboye, baherutse gutungurwa no kumwumva gusaba inkunga yo kujya gushyingura nyina, abantu bagwa mu kantu.

Umwe mubo babana kuri urwo rubuga yagize ati “Yahoraga atubwira ko ababyeyi be bose bapfuye ndetse ko nta muvandimwe agira, ariko twatunguwe no kumva avuga ko nyina yapfuye ngo none yabuze amafaranga yo kujya kumushyingura dore ko yavugaga ko avuka mu Karere ka Rusizi, ariko ubu aba mu mujyi wa Kigali aho ari gushakisha akazi kuko yarangije kaminuza.”

Nk’uko bakomeza babivuga, ngo bamubajije icyatumye avuga ko nta babyeyi agira, araruca arurumira, abinkwakuzi baramutitiriza bamusaba ibisobanuro byimbitse, ababwira ko yari afite ababyeyi bombi ariko ngo ari abakene cyane, akaba yarabeshyaga ko bapfuye kugira ngo afashwe.

Mu bihugu byateye imbere kubeshya bifatwa nk’indwara (Mythomanie) ishobora no guhagurutsa uyirwaye akajya gushaka inzobere mu bijyanye n’imitekererereze ya muntu (psycologue) cyangwa se umuhanga mu bijyanye n’indwara zo mu mutwe (psychiatre) bakamuvura.

Ubushakashatsi bwakozwe hagamije kumenya igitera iyi ndwara , haje kuvumburwa ko iterwa no kuba umuntu yaragize ikibazo gikomeye cyangwa se hari icyamubayeho mu buryo butunguranye akaba aribyo byatuma ukuri gushira muri we.

Kubeshya ngo bishobora kuba indwara

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza