IGIHE.com > Abantu > Kubaho
  Isi  izaba ituwe n’abaturage miliyari 9,5 muri 2050

Isi izaba ituwe n’abaturage miliyari 9,5 muri 2050


Yanditswe kuya 14-07-2012 - Saa 13:19' na Jotham Ntirenganya

Umubare w’abatuye Isi uragenda urusha ho kwiyongera, nk’uko bigenda bigaragra kuri buri munsi ngarukia mwaka wahariwe abatuye Isi, hagamijwe gukurikirana ubwiyongere bw’abaturage ku Isi, n’ibibazo bahura nabyo kugirango bishakirwe ibisubizo, nkuko byatangajwe ku itariki ya 11 Nyakanga 2012.

Iyi tariki yemejwe na Loni mu mwaka w’1989 ubwo Isi yari igeze kuri miliyari 5 z’abaturage, ariko kugeza ubu umubare ugeze kuri miliyari 7 na miliyoni 59, kandi muri 2050 abaturage bazagera kuri miliyari 9.5 Insanganyamatsiko y’uyu mwaka iragira iti : « Umuturage yegerezwe serivisi nziza yo kubona urubyaro ».

Kuri iyi tariki inzego zibishinzwe zireba ubwiyongere bw’abaturage, bityo bagafata ingamba z’uburyo buri wese yazagira imibereho myiza y’ejo hazaza. Ku rundi ruhande hari n’ubwo Leta ifata ingamba zo kuringaniza imbyaro, cyane nko mu mwaka wa 2008, ku munsi nk’uyu insanganyamatsiko yaragiraga iti : « Tubyare abo dushoboye kurera, twegereze imiti yo kuringaniza imbyaro kuri ba bandi badakunze kumenya neza iby’iyo miti ».

Nk’uko tubikesha urubuga rwa population.com, nibura buri munsi abaturage 232,000 baravuka ku mubumbe w’Isi, naho impinja 402,000 ziravuka ku munsi mu rwego rw’Isi yose .

Ibarura kandi ryerekana ko buri munsi abantu basaga 170,000 bapfa ku Isi yose, naho 28% by’abatuye Isi bigaragara ko bari munsi y’imyaka 15. Ikizere cy’ubuzima muri iy’ Isi ubu kigeze ku myaka 65.

Ibitangaje ku bw’iyongere bw’abaturage

1. N’ubwo igihugu cy’u Bushinwa aricyo cyakunze kugaragaraho umubare munini w’abaturage ku Isi, mu mwaka wa 2030 u Buhinde nibwo buzafata uwo mwanya. Bigaragara ko miliyoni 700 z’abaturage zitura ku nkengero z’ibirunga, naho miliyoni 450 zituye ku nkengero z’inzuzi kuburyo hari ibihe bigera amazi akabimura bakajya gutura ahandi bakazagaruka nyuma.

2. Miliyari 5 z’abaturage zitunze telefoni zigendanwa bishatse kuvuga 72.7% ariko dushingiye ku ibarura rya 2010.

3. Abaturage bakoresha internet ku Isi bari kuri miliyari 2.

4. Isi ituwe na miliyari 7 na miliyoni 59, ariko mu mwaka wa 20300 abaturage bazakabakaba miliyari 36.4.

5. 40% by’abatuye Isi baba mu bihugu bibiri aribyo u Buhinde ndetse n’u Bushinwa mu gihe 60% bari ku mugabane wa Aziya.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO