Chryssy igiye guha abana bato amahirwe yo kumurika imideri

Yanditswe na

Vénuste KAMANZI

Kuya 29 Gashyantare 2012 saa 09:53
Yasuwe :
0 0

Umunyarwandakazi Mbabazi Christine agiye gutangiza kompanyi yise Chryssy’s Modeling Agency izaha abana bari hagati y’imyaka 6 na 18 amahirwe yo kugaragaza impano zabo mu kumurika imideri no guteza imbere izindi mpano zitandukanye.
Kuva mu kwezi gutaha, abana 15 baratangira gukurikiranwa bigishwa ibijyanye no kumurika imideri na Chryssy’s Modeling Agency, kugeza muri Kamena ubwo bazatangira kumurika imideri.
Buri mwana azahabwa umuntu umukurikirana akamugira inama ariko anahabwe n’uburere (...)

Umunyarwandakazi Mbabazi Christine agiye gutangiza kompanyi yise Chryssy’s Modeling Agency izaha abana bari hagati y’imyaka 6 na 18 amahirwe yo kugaragaza impano zabo mu kumurika imideri no guteza imbere izindi mpano zitandukanye.

Kuva mu kwezi gutaha, abana 15 baratangira gukurikiranwa bigishwa ibijyanye no kumurika imideri na Chryssy’s Modeling Agency, kugeza muri Kamena ubwo bazatangira kumurika imideri.

Buri mwana azahabwa umuntu umukurikirana akamugira inama ariko anahabwe n’uburere busanzwe, ndetse n’ababyeyi bazajya babakurikirana mu buzima bwa buri munsi.

Umuyobozi w’iyi Kompanyi Mbabazi Christine ari nawe wayishinze, arashishikariza ababyeyi guha amahirwe abana babo yo kwagura no guteza imbere impano zabo kandi abamara impungenge ko umubyeyi uzamuha umwana we azaba amushyize ahantu heza azakura ikinyabupfura, uburere no kwagura impano ze kuko bazaba bafite abahanga bazabitaho n’ababyeyi bazabaha uburere bubereye Umunyarwanda.

Uretse urukundo rw’abana asanganywe, Mbabazi Christine atangije iki gikorwa kugirango ahe amahirwe abana bakiri bato kuko usanga akenshi andi makompanyi amurika imideri akunze gukoresha abantu barengeje imyaka 18, kandi ngo afite icyizere cy’uko bizatanga umusaruro kuko we yabitangiye yiga mu mwaka wa mbere w’amashuri abanza kandi bikaba nta ngaruka mbi byamugizeho.

Ati:”Tuzajya tubarera neza nibakura wenda bajye mu yandi makompanyi cyangwa bakomereze mu yacu, ariko bazabe ari abantu bafite impano zarezwe kandi zabungabunzwe neza kugeza zikuze”.

Hejuru ku ifoto: Christine Mbabazi


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .