Imyambaro y’abakobwa igezweho ni ifite amabara agaragara cyane

Yanditswe na

Emma-Marie Umurerwa

Kuya 24 Ukwakira 2013 saa 06:18
Yasuwe :
1 0

Bamwe mu bakobwa n’abagore bo mu mujyi wa Kigali, bagendana n’ibigezweho hamwe n’abacuruza imyambaro igezweho, bavuga ko imyenda y’amabara agaragara cyane ari yo yari igezweho cyane muri uyu mwaka wa 2013.
Imyambaro y’abagore n’abakobwa igenda ihinduka uko bwije n’uko bukeye, hakaduka bimwe bigahararwa bikongera bigahararukwa, ndetse bimwe bikazongera bikaduka nyuma y’igihe kinini bitaye, ku buryo usanga igezweho, muri uyu mwaka, mu mwaka utaha iba yamaze guta agaciro.
Kuri ubu imyambaro ya (...)

Bamwe mu bakobwa n’abagore bo mu mujyi wa Kigali, bagendana n’ibigezweho hamwe n’abacuruza imyambaro igezweho, bavuga ko imyenda y’amabara agaragara cyane ari yo yari igezweho cyane muri uyu mwaka wa 2013.

Imyambaro y’abagore n’abakobwa igenda ihinduka uko bwije n’uko bukeye, hakaduka bimwe bigahararwa bikongera bigahararukwa, ndetse bimwe bikazongera bikaduka nyuma y’igihe kinini bitaye, ku buryo usanga igezweho, muri uyu mwaka, mu mwaka utaha iba yamaze guta agaciro.

Kuri ubu imyambaro ya kigore igezweho ku basirimukazi bagendana n’ibigezweho, bimaze kugaragara ko ari ifite amabara agaragara cyane (couleur piquante) akabonwa na buri wese n’utabishakaga.

Imyambaro ifite amabara agaragara cyane, hamwe n’amashati cyangwa amakanzu, afite umwenda unyerera kandi worohereye, ni ibyo biri kuri mode.

Abakobwa/abagore bakurikiza iki bavuga ko umwambaro ugenzweho?

Bamwe mu bakobwa n’abagore bo mu mujyi wa Kigali, bo mu byiciro bitandukanye bavuga ko barebera ku bantu b’ibyamamare cyangwa abandi bazwiho kugendana n’igihe ndetse bakanabisoma kuri internet.

Umwari ni umukobwa w’imyaka 22 utuye mu Murenge wa Nyamirambo akarere ka Nyarugenge. Ngo we akenshi amenya imyambaro igezweho yifashishije imbuga za internet.
Ati: “Nkunda gusoma cyane amakuru y’ibyamamare n’abanyamideri bo mu bihugu byateye imbere, nkareba imyambaro bambara idatandukira cyane ku byo dusanzwe twambara mu Rwanda.”

Rusaro, umugore w’imyaka 30 nawe atuye Inyamirambo, we agira ati: “Mu mujyi wa Kigali hari amaduka aba azwi ko agendana n’igihe. Niyo ngurira imyenda, iyo ngezeyo babwira ibara rigezweho, ariko hari n’igihe ndebera ku bantu nziko bakunda kugendana n’ibigenzweho cyangwa ibyamamare byo mu Rwanda, harimo abambara bajyanye n’igihe.”

Bamwe mu bacuruzi bazwiho ko bacuruza imyenda igezweho mu duce dutandukanye tw’umujyi wa Kigali, nabo batangarije IGIHE uko babona imyambaro igezweho n’uko bigenda ngo hamenyekane iyo ari yo.

Umwe mu bacururiza mu iduka ryitwa Wow mu mujyi wa Kigali, hafi y’inyubako ya City Plaza, yagize ati: “Muri iyi minsi imyenda y’abagore mu byiciro bitandukanye hagezweho amyenda idasa kandi y’amabara agaragara, naho imyambaro ijyanye (Isa hasi no hejuru) yo ntikigezweho.”

Abacuruzi b’imyenda bakomeje batangaza ko ku mapantaro y’amakoboyi (Jeans) hagazweho acikaguritse (Jeans déchirés) ariko kandi ngo n’amashati afite itisu(tissus) yorohereye kandi inyerera. Aya mashati ngo akaba yarigeze kugerwaho hagati y’imyaka ya 1980-1990, hamwe n’amakanzu y’ubu bwoko, ubu bikaba byarongeye gukundwa cyane n’igitsina gore.

Ku mapantaro kandi hari hamaze iminsi harongeye kwaduka amapantaro y’abagore afite amarinda, akunze kwitwa na benshi “Amakaridashian” nayo yigeze kugerwaho muri za 1980 ishira n’intango ya za 1990.

Amabara nk'aya y'iyi myambaro yo muri Wow Shop, ngo niyo agezweho cyane
Inkweto nk'izi nazo zigizwe n'amabara ahita yigaragaza cyane nizo zigezweho
Ku mapantaro y'amakoboyi (Jeans) hagezweho acikaguritse nk'iyi

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .