IGIHE.com > Abantu > Kubaho
Dore impamvu icumi zatuma wiga   indimi z’amahanga

Dore impamvu icumi zatuma wiga indimi z’amahanga


Yanditswe kuya 26-06-2012 - Saa 09:46' na Abdou Nyampeta

Nubwo bwose kwiga ururimi rw’amahanga bisaba umwanya n’umwete, bishobora gutuma ufungurirwa amarembo bikaguha n’amahirwe yo kumenya imico y’ahandi. Ikibabaje n’uko ingorane abantu bahura nazo biga indimi, bituma bamwe babireka imburagihe bitwaza impamvu nko kuvuga ko Icyongereza ari ururimi rukoreshwa ku Isi , umuntu akavuga ati :’’Nirwo rurimi rwonyine nkeneye kwiga ».

Nubwo bwose ushobora kubaho mu buzima bwawe ukoresha Icyongereza gusa, menya impamvu 10 zikurika zatuma wiga ururimi rw’amahanga nk’uko tubikesha urubuga rwa Linguim.

1. Kugira amahirwe yo kubona ubunararibonye ku kazi

Iyo umaze kumenya ururimi rw’amahanga uba ufite amahirwe menshi yo kubona akazi, kuko hazaba abantu bakeya bapiganira umwanya kubera kutuzuza ibisabwa haharimo no kumenya ururimi rw’amahanga. Bitewe n’uko Isi igenda iba nk’umudugudu, ibigo byinshi byifuza gukoresha abantu bavuga indimi nk’ebyiri cyane cyane nk’abavuga ururimi rw’Icyongereza bashobora no kuvuga Igifaransa, Icyesipanyoro, Igifaransa, Ikidage n’izindi ndimi zamamaye.

Imibare yerekana ko abakoresha bahemba abakozi bavuga indimi zirenze 2 hagati ya 5 ku ijana na 20 ku ijana buri isaha irenzeho ugeranije n’abandi bakozi batazizi. Urugero umukozi uzi ururimi rumwe , ashobora guhembwa amadolari 12 ku isaha igihe uzi indimi nyinshi we ahambwa amadolari 14 ku isaha. Niba ushobora kuvuga neza ururimi rushya, ushobora kuba umusemuzi wigenga uhembwa neza (umusemuzi wo muri Leta z’Unze Ubumwe za Amerika abona byibura amadolari ibihumbi 6 ku kwezi).

Nubwo bwose waba wishimiye akazi ufite, kumenya ururimi rushya bishora kuguha ubunararibonye ku kazi, ukaba wabona umwanya mu kigo gisaba abavuga indimi zirenze 2 kandi gihemba neza.

2. Kunononsora imivugire y’ururimi

Ubushakashatsi buvuga ko kumenya ururimi rushya bikongerera imivugire myiza y’ururimi rwawe rwa gakondo. Uburyo wiga ururimi rushya bituma ubwonko bwawe bugenzura amagambo ku buryo abantu benshi bobona ko badafite imbogamizi nyinshi yo gufata mu mutwe amagambo, nyuma y’uko bize ururimi rw’ahandi. Indimi zose zo mu mahanga siko zose zifite igisanira cy’amagambo mu Cyongereza, kuri ibyo rero ugira ubumenyi bwo kumenya uko uvuga ibintu n’ibikorwa.

Iyo wiga ururimi rushya, ugomba guhuza ijambo rishya n’irindi usanzwe ufite mu nyunguramagambo y’Icyogereza. Iyo ukoze ibyo, uba wongeye ubushobozi ubwonko bwawe bigatuma bukora neza. Iyo ukoze ibyo uba wongeye ubwonko bwawe ubushobozi mu buryo buziguye butuma bukora neza aho ijambo ryose uvuze rihuzwa n’irindi ryo murundi rurimi. Ushobora kubona ukuntu bikworohera gukora interuro, kuko ururimi rwawe rushya rugufasha kugira ubumenyi bwo guhanga no kwisobanura. Abahanzi b’ibyamamare, abanditsi b’ibitabo n’indirimbo bo mu gihe cyacu bavuga indimi zirenze rumwe.

3. Kwongera ubuzima mu rukundo

Iyo umenye ururimi rw’amahanga, umenya n’indi mico, bikakwongerera amahirwe arenze inshuro ebyiri yo kubasha kuvugana n’inshuti yawe utashoboraga kuvugana mbere. Niyo waba utashaka gushaka inshuti y’inkoramutima yo mu mahanga utashoboraga kuganiriza mbere, ubushakashatsi bwerekanye ko abakoresha ururimi rw’Icyongereza bakururwa n’abantu bavuga ururimi rwa kabiri , kuko ibyo byerekana ko ari abanyabwenge kandi basobanukiwe n’indi mico. Ibyo ariko ntibisobanura ko kumenya interuro z’imitoma bizakuzamura mu ntera y’ubureshyi, ariko ko ushobora kuvuga ururimi w’iyizeye bigatuma bakwibazaho kandi ushobora kugirana n’abandi ibiganiro.

4. Kunezerwa mu ngendo zawe

Gutembera mu mahanga bishobora kuguha ubumenyi utazibagirwa mu buzima bwawe, ariko ibyo nabyo bigutwara amafaranga atari makeya. Niba witeguye gukoresha amadolari menshi ujya kuruhuka, ni byiza ko uzashobora kuvugana n’abatuye icyo gihugu no kuvanamo ibyiza mu bumenyi bwawe, hagati aho uzabasha kumenya ibibera muri ako gace.
Uzabona ko bizakworohera kuyoboza inzira ugomba kunyuramo niba uwo uyuboza yumva ururimi uvuga. Ntibisaba ko ubanza kumenya ururimi neza cyane mbere yo gukora urugengo ahubwo, bigusaba ko umenya amagambo y’ibanze azagufasha kugera kure.

5. Kwimenyereza umuco mushya

Niba ufite igitekerezo cyo kuva mu gihugu ugiye mu kindi, ni byiza ko wamenya ururimi gakondo rwaho ugiye. N’utagira ubushobozi bwo kuvugana n’abo uzaba uri kumwe nabo, bizakugora kumenyera aho uzaba uri, kubona akazi no kugira inshuti. Niba ushaka gukomeza kubaho nk’uko ubyifuza, uri mu gihugu aho ururimi rw’Icyongereza atari rwo rukoreshwa aho ngaho, bizakubera ngombwa ko wiga ururimi rw’ahandi. Niyo wajya ahantu abantu benshi bavuga ururimi rw’Icyongerza, kumenya ururimi gakondo rwahongaho bizakugirira inyungu.

6. Kuziba icyuho hagati y’abagize umuryango wawe

Ntibikunze kubaho ko abantu bakuru baturuka mi miryango ifite uruhurirane rw’imico myinshi badakunze kumenya ururimi ry’Icyongerza. Ariko nyamara kuvugana n’abakwegereye hari igihe biba ingorabahizi, kutumvikana bishobora kubangamira ibihe byiza byo mu mateka y’umuryamgo. Ahandi ariko, niba ushobora kumva no kuvugana n’abakwegereye, inama n’iminsi mikuru uzabyitabira, kandi ntabwo uzumva uhejwe igihe uzumva umuntu yumva indirimbo cyangwa akurikira ibiganiro kuri televisiyo y’ahandi.

7. Kubasha kwitabira uburyo bushya bwo kuruhuka

Niba waba waratereye ijisho kuri televisiyo y’ahandi, ukibaza uti :’’Birashoboka ko biriya bintu bisekeje, iyaba nabashaga kumenya icyo bariya bantu baseka’’, n’uko rero uba wacitswe n’igihe kimwe cyo kwishimisha mu byuzima bwawe, gusa kuko utazi urwo rurimi. Kumenya urundi rurimi rwo hanze bizagufasha kumenya no gusobanukirwa muzika na filimi utigeze umenya mbere. Kumenya ururimi rw’amahanga bizagufasha kubasha kumva no gukurikira imirongo myinshi y’ama radiyo na televisiyo zo kw’Isi, bizagufasha kuruhuka.

8. Kwamamara bihagije

Kumenya ururimi rw’ahandi biguha ubushobozi bwo kugera ku bantu benshi. Niba ukoresha internet, ukubaka urubuga nko mu rurimi rw’Icyesipanyoro ni urugero, bishobora gutuma ugira abantu benshi bagusura. Niba uri umuvugabutumwa cyangwa undi wese utanga ubutumwa, kumenya ururimi rurenze rumwe bigufasha kugera ku ntego yawe. Uba ubashije kuziba icyuho cyo kutamenya indimi, kandi bigufasha kugira abantu benshi basura urubuga rwawe bityo n’ubutumwa bwawe bukamamara.

9. Kumenya neza imitekerereze y’abantu n’imico

Nkuko ururimi ari bumwe mu buryo bwo kuvugana, kwiga urundi rurimi bishobora kwongera uburyo abantu batekereza kandi bavugana. Ibigo byinshi by’ubushakashatsi byibanda ku myigire y’imitekerereze y’imvugo n’icyo bihuriyeho. Ubumenyi mu kumvikana bigufasha kumva buri kantu kose k’umuco niyo byaba bitari mu rurimi rwawe rwa gakondo.

Nyuma y’amezi menshi uganira n’abantu mu rurimi rw’amahanga wamenye vuba, ubasha kubona ibintu by’umwihariko by’imico n’imyifatire n’ukuntu bihuzwa n’uburyo bwo kuvuga. Niba ushishikajwe n’imitekerereze kandi ushaka kumenya bihagije ibiranga amoko n’imico bitandukanye , kumenya ururimi rushya ni uburyo bwiza bwo gukora.

10. Kugira icyizere mu buzima

Bishingiye ku bumenyi bw’imico buherekejwe n’ubumenyi bw’ururimi rw’amahanga, bikunze kuba ko umuntu umaze kumenya indimi nk’ebyiri yiyumva ndetse akibona mu byizere bibiri icya kimwe. Ku bantu benshi ibi birema mu bantu umutima mushya, kandi bashobora kumva ko bisanga aho bari hashyashya bakurikira ibibera aho batari basanzwe batuye mbere.

Kumenya ururimi rushya rw’ahandi ni uburyo bumwe bwo kubona ibintu mu bundi buryo iyo uhuye n’ihezwa cyangwa se iyo uhuye n’imihindagurikire y’imibereho.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO