Urwo yabonye: Yazinutswe kongera gusura abasore bibana

Yanditswe na Thamimu Hakizimana
Kuya 3 Werurwe 2017 saa 05:55
Yasuwe :
0 0

Mu buzima ihari imyitwarire ishobora kugutera ibibazo bikomeye byagira ingaruka ku hazaza hawe cyangwa kikagusigira isomo rikomeye ryakubera impamba y’uburyo ugomba kwitwara.

Umukobwa w’imyaka 24, utuye Kagari ka Mumena mu Murenge wa Nyamirambo mu Mujyi wa Kigali, afite ubuhamya bwihariye aho uwari umukunzi we yamushoye mu busambanyi.

Mu kiganiro yagiranye na IGIHE, Mukeshimana (izina ryahinduwe) yatangaje ko ubwo yari amaze kugira imyaka 17 yahoraga yifuza kugira inshuti y’umuhungu nk’abandi bakobwa bose b’urungano rwe.

Amateka Mukeshimana agaragaza ko atazasibangana mu mutwe we, ashingiye ku nkuru avugana ikiniga n’agahinda kenshi y’uburyo umusore bakundanaga afite imyaka 20 yigeze gusaba mugenzi we inzu (ghetto), aramwakira, ashiduka yaguye mu mutego wo kuryamana n’abandi basore b’inshuti ze kandi atari abazi.

Umuhungu bakundanaga yamushoye mu busambanyi mu nzu yatiye mugenzi we

Mukeshimana avuga ko ibyigeze kumubaho byamuhaye isomo ku buryo byatumye afata icyemezo cyo kutazongera gusura umusore ahantu hatari iwabo cyangwa ngo amwizere.

Yagize ati “Njye nigeze kuryamana n’abasore batatu bitwa ko bari inshuti z’umukunzi wanjye, twari turyamye kumanywa nyuma aza gusohoka hanze. Agisohoka bagenzi be bahise binjira ncyambaye ubusa, na bo bansaba ko turyamana ariko mbura uko mbigenza ndabyemera mu rwego rwo kwirinda ko bateza induru.”

Yakomeje atangaza ko kuva icyo gihe icyamubabaje cyane ari uburyo agisohoka yahise amubwira ko iby’urukundo rwabo byarangiye.

Yagize ati “Nta kintu cyambabaje nk’uburyo tukimara kuryamana n’abo basore bagenzi be nasohotse nkasanga yatashye namuhamagara kuri telefone ye agahita ambwira ko ubushuti bwanjye na we bwarangiriye hariya ngo kubera ko naryamanye na bagenzi be, ibi yabivuze kandi ari we wabanshyiriye.”

Mukeshimana avuga ko kuryamana n’abantu atazi bituma ahorana ikidodo ku mutima ku buryo n’iyo ababonye ahita ahindura inzira kubera isoni.

Uyu mukobwa yasoje avuga ko nyuma yo gutandukana n’uwo musore yagiye kwipimisha ko batamwanduje agakoko gatera sida asanga ari muzima ahita arahira ko azongera gutekereza kuryamana n’uzaba umugabo we.

Yagiriye inama abakobwa bagenzi be yo kutajya gusurira abasore bakundana ahantu hatari iwabo kuko ari bimwe mu bishobora gutuma baryamana n’abo badakundana, rimwe na rimwe batanazi nk’uko na we byamubayeho.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244